Sakaria 10:1 - Baibuli I Leb Kumam 2013

¹ Penyunu Rwot kot i kare me iporo, pien Rwot en kame cwao idoun me kot; en kame emio wu kot di eko mino kodere dongo i poti me jo dedede.

Sakaria 10:1 Iomraidhean Croise

1 Abakai 17:1

Enabi anyinge Elia dano me Tisibe i lobo me Gilead oko waco ne Akab be, “Akwongo i nying Rwot Rubanga akuo me Isirael ngat kame ango atio ne be, kot amoto toyo likame bino bedo tie i mwakini nogi, tuno di ango awaco be kibed tie.”

Yobu 29:23

Gin oudo kidara bala jo kame daro dwogo me kot; gin oudo kigamo tam na bala kame jo gamo kede kot me iporo.

Sabuli 104:13

In icwao kot ki malo oko cwei i wi mori, di lobo oko pong kede bero kame in imio.

Sabuli 135:7

En kame emio idoun tingere i ajikini me lobo; en kame emio meny me kot timere di kot ko cwei, di eko woto yamo abuko ki ude mege me kano jame.

Sabuli 65:9

In iparo pi lobo, imio kot cwei iye, imio ebedo mio twatwal; pii opong i ecilet ka Rubanga; in imio jo kal, pien in itieko iiko kamanono.

Sabuli 72:6

Mi abaka bed cal bala kot kame cwei i lum kame kodao, ebed cal bala kot kame bido lobo.

Agole 16:15

Kame nyim abaka ler, manono mio jo kuo, doko tim mere anyuto amara but dano cal bala idoun me kot adwogo i kare me agege me iporo.

Isaya 30:23

Kame ipurunu kodere, Rwot bino cwano ne wu kot di kiko bino nyak kitek, doko da doke wu bino bedo tie kede lum atot.

Isaya 44:3

“Ango abino onyo pii i lobo kotuo, doko abino mino icileta mol i lobo kotuo. Ango abino mino tipo na but ikwae wu, kede winyo na but idwe wu.

Isaya 5:6

Abino jalo poto nono kony mere doko li. Likame abino lwero olok nogo akadi boko dud gi, di okuto kede ocokocok ko bino umo gi. Doko abino gengo kot da likame cwei i kom gi.”

Yeremia 10:13

Ka en ewaco dwane, pii atie malo kururo; en ekelo idoun ki ajikini me wi lobo. Emio kot meny di eko cwano yamo ki kakame ekano gi iye.

Yeremia 14:22

Likame tie caljwogi me atekerin apat kame twero cwano kot; doko da likame malo twero mino kot cwei en kene. Rwot mam in en Rubanga wa? Wan oketo gen wa buti, piento in en kame itimo gi nogi dedede.

Yeremia 5:24

Likame itwerunu waco i cunyu da be, ‘Ber kong obedunu kede lworo but Rwot Rubanga wa, en ngat kame cwao ne wa kot i kare mere kikokome, kot me iporo kede kot me oro, di eko mino obedo kede kare me kac buli mwaka.’

Yeremia 51:16

Ka en ewaco dwane, pii kame tie malo kururo; en ekelo idoun ki ajikini me wi lobo. En emio kot meny, di eko cwano yamo ki ude mege me kano gi.

Esekeri 34:26

“Ango abino mino gi kibedo i nget moru na kacil di ako mino gi winyo di acwao negi kot i kare kame mitere.

Esekeri 36:37

Rwot Rubanga waco be, “Abino da mino jo me Isirael penya pi timo negi kaman: pi mino wel gi meede bala me romini.

Kosea 10:12

Ango awaco ne be, ‘Cui kodi kobedo tim kopoore, di kac ni ko bino bedo amara kalikame lokere. Bok poto ni, pien kare me mona inononi, ango Rwot wu, di ango ako bino mino winyo na cwei ne wu bala kot.’

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Amosi 4:7

Ango bin agengo kot cwei i kare kame do cam wu kame bin tie i poti oudo mito kede kot kitek. Ango bin amio kot cwei i bomba acel di eko weko bomba ocelu. Kot oudo cwei i poto acel, di eko weko poto ocelu dong di etuo baba.

Mika 5:7

Di do donge me jo Isirael kame osasarun i diere me atekerin apat, ko bino bedo cal bala toyo kame Rwot ocwao pi bido lobo, arabo bala kot kame cwei i kom lum, kalikame dano twero timo iye gimoro kwanyo kenekene Rubanga.

Yokana 16:23

“Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

1 Jokorinti 3:6

Ango en kame oudo apito kodi, Apolo oko onyo pii iye, do Rubanga en oko mine edongo.

Iswilia 28:23

Likame kot bino cwei, di piny ko bino doko tek bala nyonyo ayon.

Yakobo 5:7

Imiegu kede amiegu na kame amaro, direnu tuno i dwogo ka Rwot. Nenunu epone kame ngapur daro kede kodi mere kame epito i lobo, kodi kame cunye maro. En edire tuno kede di kot me agege kede kot me cen ocwei iye.