Sakaria 1:4 - Baibuli I Leb Kumam 2013

⁴ Kur ibedunu bala joakwari wu, kame bin inabin owaco negi kop na, pi weko yote kede tice gi areco, do gin kiko dagi winyo kop na.

Sakaria 1:4 Iomraidhean Croise

2 Iyutun 30:6

Joor oko ot ririmo Isirael kede Yuda lung di kitero baluwan koyai kibut abaka kede jotel, bala kame abaka oudo ociko. Baluwa nono oudo waco be, “Okwe wun jo Isirael, dwogunu but Rwot, Rubanga ka Aburam, Isaka, kede Yakobo, tetekeny amoto edwog bobo but wanunu jo anonok nogi kobwot ki cing abakai me Asiria.

2 Iyutun 30:7

Kur ibedunu cal bala joakwari wu kede jo Isirael wadu kame bin likame oko bedo kede genere but Rwot, Rubanga ka joakwari gi, di manono oko mine emio lobo gi odong nono abongo jo, bala kame nataman inenunu.

2 Iyutun 34:21

“Otunu di ikounu penyo Rwot pira kede pir jo me Yuda dedede kede jo kame pwodi odong i Isirael, i kom kope me itabu kame kotieko udo noni. Rwot otieko lilo kede wan kitek pien joakwari wa likame oko lubo kope mege. Likame gin kitimo gikame itabu noni waco.”

Esera 9:7

Cako i kare ka joakwari wa tuno tin wan obedo timo dub kamanono. Dub wa nono en komio wan jo Isirael kede abakai wa, kede josaseredoti wa, obedo poto i cing abakai me pinye apat, di oko neneko wa, omako wa di oko tero wa bala mabus, koyako wa, kede komio wa twon lewic, kiton tuno tin.

Nekemia 9:16

Do joakwari wa bin oko bedo kede ewaka kede epali di gin likame kiko lubo cik ni.

Nekemia 9:26

“Akadi kamanono da, gin bin kiko dagi lubo kop nin di kiko jemo ni, gin kiko loko ngei gi ne iswil ni. Gin kiko neneko inabin ni kame bin kwenyaro gi, be kilokere di kiko dwogo buti. Gin bin kiko timo anywar atek buti.

Nekemia 9:30

In bin ibedo dire di ikwenyaro gi pi mwakini atot. In ibedo mino inabin ni kop pi waco negi, do gin kiko dagi winyo, manono oko mino in imio gi i cing atekerin apat.

Sabuli 78:8

Likame gin kibino bedo bala joakwari gi, lwak kame joepali kede kame jojemo, lwak kalikame oudo cuny gi osipakin di tek geno Rubanga, jo kalikame oudo genere bute.

Isaya 31:6

Okwe wun jo me Isirael, dwogunu but ngat kame itiekunu weko kitek ateka.

Yeremia 18:11

Pi manono, nan wace jo me Yuda kede jo kame bedo Yerusalem be, ango atie cweno iik arac i kom gi, atie iikere me kelo can i kom gi. Wace gi kiwek tice gi areco di kiko temuno kuo gi kede tice gi.

Yeremia 23:22

Do ka koto oudo gin kitieko bedo i kansulo nango, koto oudo kitatamo kope na ne jo na, di koto kiko loko gi tenge ki yote areco me kuo gi, kede ki tice gi areco.”

Yeremia 25:8

“Pi manono, Rwot me jo yi waco be, ‘Pi kite kame idagunu lubo kede kop na,

Yeremia 26:5

kede ka likame iyeunu winyo kope me jotic na inabin kame ango abedo cwano butu kare i kare, bed bala wun itiekunu dagi winyo kope gi,

Yeremia 3:12

En ewaco na pi ot waco ne Isirael be, “Dwog buta, in Isirael dako kalikame genere, ango Rwot en awaco. Ango likame abino bedo kede gero buti, pien ango atie kede cuny me kisa, ango Rwot en awaco. Likame ango abino dong bedo ger nakanaka.

Yeremia 3:14

“Dwogunu buta, Okwe wun idwe kalikame genere, ango Rwot en awaco. Pien ango abedo ngadwong wu. Abino kwanyo kikomu ngat acel ki buli bomba, kede jo are ki buli ekeko me anywali, di ako dwoko wu i Moru me Sion.

Yeremia 35:15

Ango abedo cwano inabin jotic na dedede but wu pi gin waco ne wu kop me lokere di ikounu weko yote me kuo wu areco di ikounu donyo timo gikame poore. Gin kibedo kwenyaro wu pi weko woro rubangan ace akadi timo negi tic tetekeny imeedenu kede bedo i lobo kame bin ango amio wu kede joakwari wu. Do wun likame ikounu winyo kop na arabo timo gikame ango awaco.

Yeremia 4:1

Rwot waco be, “Wun jo me Isirael, ka ateteni imitunu dwogo buta, kwanyunu tenge caljwogi gikame neno rac ki nyima, di likame ikounu parao weka.

Yeremia 44:16

“Kop kame in iwaco ne wan i nying Rwot nono, wan likame omito lubo.

Esekeri 14:6

“Aso, nataman in wac ne jo me Isirael be ango Rwot Rubanga atie waco negi kaman: swilarunu di ikounu weko woro caljwogi; doko poore ilokerenu tenge ki tim wu areco dedede.

Esekeri 20:18

Ango ako kwenyaro idwe gi kaman: kur ilubunu iswilia kame joakwari wu oketo arabo itok gi, doko da kur ipwokerenu kede woro caljwogi gin.

Esekeri 33:11

Wac negi be ateteni ango Rwot Rubanga akuo akwongere be ango likame atie kede yomcuny i kom to me jodubo, do cunyango mito neno di jodubo weko yote gi areco di kiko bedo kuo. Lokerenu, lokerenu tenge ki yote wu areco; kara pinyo komio imitunu to, wun jo me Isirael?

Esekeri 33:4

Kame ngatamoro oko winyo agwara nono di en likame eko paro pire, di do jokwor oko bino di kiko neke, raco me to mere dong i wie.

Danieri 9:6

Wan likame oyei winyo kop me inabin jotic nin, gin jo kame kiyamo i nyingi but abakai wa, jopug wa, joakwari wa, kede but jo dedede me ateker wa.

Kosea 14:1

Okwe wun jo me Isirael dokunu but Rwot Rubanga wu. Dub wu omio igetenu.

Amosi 5:24

Do akaka manono, miunu ngolo kop me ateni mol bala pii, kede tim me poore miero mol bala pii me ecilet kalikame tuo.

Mika 2:6

Jo rabo na kop di kiwaco be, “Kur irabo ne wan kop kame cal kamago. Rubanga likame bino mino wan lewic.

Sakaria 1:3

do nan atie waco ne wu be, ‘Dwogunu buta di ada ako bino dwogo butu, ango Rwot me jo yi en awaco.

Sakaria 7:7

Magonogi da obedo kope kame Rwot bin owaco ki dog inabin kasek i kare kame Yerusalem oudo obaro kede di jo opong iye, kede da di jo opong i bomban koluke, kede i adul me bad tetu piny, kede i bad imukuran me bad tetu tim.

Tice 26:20

Do ako cako tero kop ne jo me Damasiko, di do ako tero ne jo me Yerusalem, tuno kede i piny me Yudea dedede, kede da but jo kalikame Iyudayan. Oudo awaco ne gi be miero kiswilaro di kiko lokere but Rubanga, di kiko cako timo tice kame nyuto be kitieko swilaro.

Tice 3:19

Pi mano, wun miero iswilarunu, di ikounu lokere but Rubanga, tetekeny elwok dub wu tenge, me wek Rwot mi wu kare me wei.

1 Petero 1:18

Wun ingeunu be kotimo cul me lako wu ki ikiteso kame kony gi li, kame igamunu kibut joakwari wu. Man kotimo likame kede gikame top bala siliba amoto saabu,