Sakaria 1:3 - Baibuli I Leb Kumam 2013

³ do nan atie waco ne wu be, ‘Dwogunu buta di ada ako bino dwogo butu, ango Rwot me jo yi en awaco.

Sakaria 1:3 Iomraidhean Croise

2 Iyutun 15:2

di en eko ot pi riamo kede Abaka Asa. En eko waco ne be, “Abaka Asa, winy gikame atie waco, karacel kede wun dedede jo me ekeko ka Yuda kede me ka Benjamin! Rwot bedo tie kede wu ka wuda itienu kede en. Ka imoenu ibinunu ude, do ka iwekenu eda ebino weko wu.

2 Iyutun 15:4

Do i kare kame peko opoto negi kede, gin kiko lokere but Rwot, Rubanga me Isirael. Gin kimoe di kiko ude.

Nekemia 9:28

Do i kare kame gin kinapakin kede, gin bobo kiko timo dub i nyimi, in bobo iko jalo gi i cing jokwor gi, di gin kiko pugo gi. Akadi kamanono da, i kare kame gin kiko swilaro kede di kiko koko buti, in bin iwinyo koko gi ki malo di pi kisa ni iko bedo lako gi tien kede tien.

Yobu 22:23

Ka in idok but Rubanga Won Twer, di iko jiko tim areco i odi, kobino dwoki i ekite angoce itie iye.

Isaya 31:6

Okwe wun jo me Isirael, dwogunu but ngat kame itiekunu weko kitek ateka.

Isaya 44:22

Ango atieko wearo tim wu areco tenge bala edou kame yamo okuto, kede dub wu da kame ibedunu timo, ango aweo tenge bala ekuna. Dwogunu buta, pien ango atieko lako wu.”

Yeremia 12:15

Do ingei ango kwanyo gi tenge, kisa bobo bino maka kede gi, di ako bino dwoko atekerin nogo dedede acelacel i lobo mere amake.

Yeremia 25:5

Gin kibedo waco ne wu be, ‘Nan ngat acelacel kibutu lokere tenge ki yote kede ki tice wu areco, tetekeny ikounu bino meede bedo i lobo kame Rwot omio butu kede joakwari wu pi bedo meru me atwal.

Yeremia 3:1

Rwot waco be, “Ka icuo oriamo dako mere di dako nono oko ot nyomere kede icuo ace, iparo be cware me agege bobo dwoko dako nono? Tim noni munao lobo atwal atwala. Do in Isirael itieko timo malaya kede cuo atot, iparo be itwero bobo dwogo buta? Ango Rwot en awaco.

Yeremia 3:22

Okwe wun idwe kalikame genere, dwogunu but Rwot Rubanga wu, en ebino cango yote wu areco me bedo jo kalikame genere. Wun iwacunu be, “Neningo, wan ige odwogo but Rwot, piento en ebedo Rwot Rubanga wa.

Yeremia 35:15

Ango abedo cwano inabin jotic na dedede but wu pi gin waco ne wu kop me lokere di ikounu weko yote me kuo wu areco di ikounu donyo timo gikame poore. Gin kibedo kwenyaro wu pi weko woro rubangan ace akadi timo negi tic tetekeny imeedenu kede bedo i lobo kame bin ango amio wu kede joakwari wu. Do wun likame ikounu winyo kop na arabo timo gikame ango awaco.

Yeremia 4:1

Rwot waco be, “Wun jo me Isirael, ka ateteni imitunu dwogo buta, kwanyunu tenge caljwogi gikame neno rac ki nyima, di likame ikounu parao weka.

Esekeri 18:19

“Do di wun ipenyerenu be, ‘Pinyo bo kamio atin likame poore to pi dub ka papa mere?’ Ka atin obedo timo gikame iswil mito kede gikame poore, di egwoko iswilia na kede elubo cik na dedede, en ateteni ebino kuo.

Esekeri 18:31

Ucunu tenge gikareco dedede kame wun ibedunu timo buta, di ikounu udo tam anyen kede cuny anyen. Okwe wun jo Isirael pinyo kamio imitunu to?

Esekeri 18:32

Ango Rwot Rubanga, cunya likame yom pi to ka ngatamoro. Lokerenu tenge ki dub wu di ikounu bedo kuo.”

Esekeri 33:11

Wac negi be ateteni ango Rwot Rubanga akuo akwongere be ango likame atie kede yomcuny i kom to me jodubo, do cunyango mito neno di jodubo weko yote gi areco di kiko bedo kuo. Lokerenu, lokerenu tenge ki yote wu areco; kara pinyo komio imitunu to, wun jo me Isirael?

Kosea 14:1

Okwe wun jo me Isirael dokunu but Rwot Rubanga wu. Dub wu omio igetenu.

Kosea 14:4

Rwot waco be, “Ango abino cango epali kame jo me Isirael tie kede. Ango abino maro gi kede cunya dedede; ango atieko kwanyo gero na kibut gi.

Kosea 6:1

Jo waco be, “Bia odokunu but Rwot. En etieko nyinyilo wa i adulion, do ebino cango wa; etieko mino wa awanon, do en ebino twetweo aporeso wa.

Yoweri 2:12

Rwot waco be, “Akadi nataman da, lokerenu di ikounu dwogo buta kede cuny wu lung, di ikanyunu kec, di ikokunu, kede di itururunu.

Malaki 3:7

Cako i kare ka joakwari wu, wun ibedunu parao tenge ki iswilia na di likame ikounu gwoko gi. Dwogunu buta, di ada ako bino dwogo butu. Do wun ipenyerenu be, ‘Odwog buti i yore mene?’