Sakaria 1:2 - Baibuli I Leb Kumam 2013

² En ewaco ne Sakaria pi waco ne jo be, “Ango Rwot cunya oudo owang twatwal kede joakwari wu,

Sakaria 1:2 Iomraidhean Croise

2 Abakai 22:19

di iko swilaro, doko iko mwolere i nyima, di iko inyinyilo igoen me komi di ikok, kakame in iwinyo kede di ango ayamo irac i kom kabedo noni kede i kom jo kame bedo iye. Ango abino mino kabedo noni dong nono kede ebino doko gikame jo tio kede me lamo jo icegun. Do ango atieko winyo ilega nin.

2 Abakai 23:26

Akadi kamanono da, Rwot likame oko dok cen i kom lilo mere agwai kame en oudo etie kede i kom jo me Yuda, pi gikame Abaka Manase oudo otimo kame oko wango cunye.

Esera 9:13

Ingei gi dedede kobedo timere ne wa pi dub wa kede raco wa, wan otieko ngeno be in, Rubanga wa, imio wa alola atitidi twatwal kalikame poore kede dub wa di iko mino jo mogo kikom wa odong kuo.

Sabuli 60:1

Okwe Rubanga in itieko dagi wa, itieko tuturo kateko wa; ibedo ger kede wa, do nan dwok wa do buti.

Yeremia 32:23

Gin bin kiko donyo i lobo noni di kiko game edoko mergi. Do gin bin likame kiko lubo kop kame in iwaco negi arabo lubo iswilia ni; likame kitimo gimoro akadi acel kikom gi dedede kame bin in iciko negi. Pi mano, in itieko mino can nogi dedede opoto i kom gi.

Yeremia 44:6

Manono oko mina abwoto lilo na kede gero na i kom bomban me Yuda kede i dier yote me Yerusalem, di eko liel i kom gi bala mac. Gin nataman do kidong amejeko abongo jo, bala kame etie kede tuno tin.

Koko ka Yeremia 5:7

Joakwari wa bin odubo, do nan gin kitieko totoun; nan wan do otie neno can pi dub gin.

Esekeri 22:31

Pi mano, ango abino bwoto lilo na i kom gi, di ako muducaro gi pi gikame gin kitimo.” Rwot Rubanga en owaco.

Esekeri 8:18

Pi manono, ango abino tic kede gi di alilo. Ango likame abino weko gi aweka, akadi bedo kede cuny me kisa but gi. Akadi gin kikok buta kede dwan amalo, ango likame abino winyo koko gi.”

Sakaria 1:15

Gero omaka kitek twatwal i kom atekerin kame bedo di ilajara kede anapakin. Pien kakame gero nango oudo titidi kede, gin kiko mino can kame jo tie iye omeede ameda.

Sakaria 7:12

Gin kimio cuny gi obedo tek gangagang bala lela tetekeny kur kiyei lubo iswilia kede pwony kame ango acwao kede tipo na kibut inabin kasek. Manono oko bin mina, ango Rwot me jo yi, adoko ger negi adikinicel.

Sakaria 8:14

Rwot me jo yi waco be, “Bala kame bin joakwari wu owango kede cunya, ango ako iikere pi keto can i komu, di likame ako loko tam na, do ako cobo timo gikame oudo aikere iye,

Tice 7:52

Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko.