Sakaria 1:11 - Baibuli I Leb Kumam 2013

¹¹ Asigiran nogo oko waco ne malaika nono kame oudo tie cungo i diere me yen maitol be, “Wan otieko mamano wi lobo dedede di oko udo be wi lobo dedede tie okwei, di etie kede anapakin.”

Sakaria 1:11 Iomraidhean Croise

Yobu 1:7

Rwot oko penyo Sitani be, “In iwok ki tuai?” Sitani oko dwoko ne Rwot be, “Ango oudo abedo wire i wi lobo, di aririmo piny tuni tuni.”

Sabuli 68:17

Rwot wok ki Sinai ebino kabedo kacil, ebino kede cabalan tutumian kede tutumian.

Isaya 14:7

Nan do wi lobo lung okwei etie kede anapakin, jo dedede tie wer kede kilel.

Danieri 10:20

En eko penya be, “Ingeo gikame omio ango abino buti? Ango abino pi mini ngeno gikame kowandiko i Itabu me Ateni. Nan ango amito dok yi kede malaika ngadar me Pasia. Ingei manono, malaika ngadar me Guris da bino bino. Likame tie ngatamoro kame tie pi konya yi kede gi kwanyo Emikairi, malaika ngadar wu me Isirael.

Sakaria 1:10

Aso icuo nono koudo tie cungo i diere me yen maitol oko waco be, “Gin en kame Rwot ocwao gi ot mamano wi lobo.”

Sakaria 1:15

Gero omaka kitek twatwal i kom atekerin kame bedo di ilajara kede anapakin. Pien kakame gero nango oudo titidi kede, gin kiko mino can kame jo tie iye omeede ameda.

Sakaria 1:8

Ango aneno ngatamoro di etie ringo kede asigira akwar. En eko cungo i diere me yen maitol kame oudo tie i aditot; cen ngee oudo tie iye asigiran ace akwar, eleli eleli kede atar.

Sakaria 6:7

Kakame asigiran eleli eleli owok kede, kom gi oudo tie miel amiela pi cako yai ot mamano wi lobo. Malaika oko waco negi be, “Otunu imamanunu wi lobo!” Gin kiko ot mamano wi lobo dedede.

Matayo 13:41

Wot ka dano bino oro imalaikan mege, gin kiko bino coko jo dedede kame tao ne jo apat dubo, kede jo kame timo gikareco kiye Ajakanut mere,

Matayo 13:49

Ebino timere kamanono da i ajikini me piny; imalaikan bino wok di kiko poko jokareco kikom jo kopoore,

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

1 Jotesalonika 5:3

I kare kame jo waco kede be, “Mulem tie, piny okwei,” en kame peko ngoole ne gi kede bala aramo me nywal, di likame tie dano kame ko bino bwot kiye.

2 Jotesalonika 1:7

kede pi mino wu wei karacel kede wan, wun jo kame nan kotie mino wu neno can. En ebino timo man i kare kame Rwot Yesu bino neeno kede di ewok ki malo karacel kede imalaikan mege wegi twer.

Gianyuta 1:1

Man en gikame Yesu Kirisito onyuto, kame Rubanga omie pi nyuto ne jotic mege, en gikame miero timere i kare kiyapiyapi. Kirisito oko cwano malaika mere but ngatic mere Yokana pi mine ngeno gi noni.