Sabuli 99:8 - Baibuli I Leb Kumam 2013

⁸ Okwe Rwot Rubanga wa, in bin idwoko kwac gin; in bin ibedo Rubanga kame sasiro gin ki dub gi, do oudo itimo onyanga i kom gin pi gikareco kame gin oudo kitimo.

Sabuli 99:8 Iomraidhean Croise

2 Samuel 12:14

Akadi kamanono da, pi kite kame in inyuto kede acae but Rubanga pi gikame itimo noni, atin kame konywalo ni nono bino to.”

Sabuli 78:38

Do akadi da, pi kisa mere en eko sasiro dub gi, likame eko muducaro gi. I kare atot en ebedo didio gero mere, likame eko jalakino lilo mere dedede.

Sabuli 89:33

do likame abino kwanyo amara na kalikame lokere ki kom Daudi, arabo bedo kede angalo i genere na.

Yai 32:2

Aaron oko waco negi be, “Kwakwanyunu mwolere kame kotimo kede saabu, kame mon wu, awobe wu, kede anyira wu tie ngapo i yit gi, di ikounu kelo gi buta.”

Yai 34:7

Ango anyuto amara na kalikame lokere but lwak me ikwae me tutumian kede tutumian, doko asasiro jo kame timo gikareco, jo kame turo iswil kede jo kame dubo; do likame aweko ngat arac aweka, ango amio alola but idwe kede but lwak me ikwae me adek tuno i me ongwon, pi dub me jonywal gi.”

Ngarab kop 7:29

Manoni en gi acel kenekene kame ango ako niang iye, en be Rubanga ocweo jo di kibeco, do jo en kame oko kelo alokaloka i kom gi ken gi.

Yeremia 46:28

Kur ibedunu kede lworo moro, wun jotic na ikwae ka Yakobo, pien ango atie kede wu. Ango abino muducaro atekerin dedede kame ango asasaro wu i diere gi, do ango likame abino muducaro wun. Ango abino mino wu alola kame poore kede wu, likame abino weko wu aweka abongo mino wu alola moro.”

Sepania 3:7

Ango oudo atamo be manono ateteni bino mino jo me Yerusalem lwora, di kiko yei lubo pwony na, doko da be wi gi koto likame oko wil kede gi dedede kame ango oudo atimo negi. Do gin di do kiko meede ameda kede mitkom, i timo gikareco kame oudo kibedo timo.”

Wel 20:12

Do Rwot oko waco ne Musa kede Aaron be, “Pien wun likame ikounu keto gen wu buta, omio likame ikounu nyuta i wang jo me Isirael be ango ngat kacil. Pi mano, wun likame ibinunu telo gi tuno i lobo kame ango atieko cikere pi mino gi.”

Wel 20:24

“Aaron likame oyaro donyo i lobo kame ango bin acikere pi mino jo me Isirael, piento in kede en ikounu jemo i Meriba di ikounu dagi timo gikame ango oudo aciko.

Joroma 1:21

pien akadi bed bala oudo kingeo Rubanga, do likame kiko wore bala Rubanga, akadi mine pwoc da. Do par gi oko doko gikame kony mere li, kede wi gi kalikame tamo oko umere odoko col.

Iswilia 3:26

“Do Rwot bin oko lilo keda pi wun di eko dagi winyo kwac na. En eko waco na be, ‘Winyo kope ni oroma! Kur imed waco na kop nono bobo!