Sabuli 99:4 - Baibuli I Leb Kumam 2013

⁴ Abaka Won Twer, ngat kame maro gikame kotimo i yore me ateni, in en ikelo ngolo kop me ateni i Isirael; ikelo da kuo kopoore kede timo ne ngat acelacel bala kame poore ne.

Sabuli 99:4 Iomraidhean Croise

Yobu 37:23

Wan likame otwerunu tuno but Rubanga Won Twer; en etie kede twer adwong doko etimo jame dedede kakare, en etimo gi dedede kakare mio likame etero jo kirac.

Sabuli 11:7

Pien Rwot opoore; en emaro tice kopoore; jo kame cuny gi ber bino neno wange.

Sabuli 98:9

piento en etie bino pi ngolo ne lobo kop. En ebino ngolo ne jo me piny kop i ateni bala kame poore ne dano acelacel.

Isaya 42:4

En likame ekwanyo gen mere arabo ekwanyo cunye, tuno di etieko keto tim kame poore i lobo. Lobere kame tie kakaboco tie kuro pwony mere.”

Isaya 61:11

Ateteni bala kame kodi tui kede di eko dongo, kede bala kame poto mio kede gikame kocuwo iye tui, kamanono da Rwot Rubanga bino mino tim kame poore kede pak wok kibut atekerin dedede.

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Yeremia 23:5

Rwot waco be, “Ateteni kare bino tuno kame ango abino yero kede dano kopoore kobedo akwar Daudi pi bedo abaka; en ebino pug kede rieko, di etimo gikame tie kakare kede me ateni i lobo mere.

Iswilia 10:18

Nakanaka en eneno be jo ogwoko twero me idwe kic kede apuserun; en emaro jokumbor, doko emio gi cam kede igoen.

Yuda 1:15

pi ngolo kop ne jo dedede, kede pi ngolo rac i wi jo dedede pi tim dedede me dagi woro Rubanga, kame gin kitimo iepone nono kalikame nyuto wor but Rubanga, kede pi kop dedede me gero kame jodubo kalikame woro Rubanga oyamo i kome.”

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

Gianyuta 19:16

I ekanso mere kede i amuro mere oudo kowandiko iye nying be, “Abaka me abakai kede Rwot me rwode.”