Sabuli 83:5 - Baibuli I Leb Kumam 2013

⁵ Gin kiwinyere i iik gi me mung kede cuny acel; kiribo kop i komi:

Sabuli 83:5 Iomraidhean Croise

2 Iyutun 20:11

Nan gin kitie culo wa pi manono i yore me gin bino riamo wa ki lobo kame in imio wa.

Esita 3:6

Kakame en eniang kede be Modekai oudo obedo Eyudayat, en eko paro pi neko Modekai ribo kiton Iyudayan dedede. En eko timo iik me neko Iyudayan dedede i ajakanut ka Sereses lung.

Sabuli 124:3

oudo koto jokwor wa omwonyo wa di okuo, kakame gero gi otwarun kede i kom wa;

Sabuli 2:2

Abakai me wi lobo otieko cungo kiteere, jopug mege tie poro kop karacel i kom Rwot kede i kom dano mere kame en eyero, di kiwaco be,

Sabuli 74:8

Gin oudo kiyamo ken gi ken gi be, “Otiekarunu gi atwal”; gin kiko wango kabedere dedede kame koworo kiye Rubanga i piny wa.

Agole 21:30

Likame tie rieko me dano moro, arabo niang atut moro, amoto tam moro kame komio, kame karuno konyo ka Rwot odagi.

Isaya 7:2

Kakame kop oko tuno kede but abaka me Yuda be Siria oudo otieko ribere kede Epuraimu, kom Akas kede jo mege oko donyo miel amiela bala yen me abum kame yamo puo.

Yeremia 33:24

“Benyo, mam in itieko winyo kop kame jo tie waco be ango atieko dagi jo me Yuda kede Isirael, jo me ikekon are kame oudo ango ayero, kede kite kame gin kineno kede jo na kede acae di likame bobo kitero gi bala ateker?

Esekeri 25:15

Rwot Rubanga waco be, “Jo Pilistia oko timo onyanga kede gero arac i kom jo kame gin kibedo dingere kede gi pi kare kalac, di kiko muducaro gi kede gero atek.

Mika 4:11

Aso, nataman atekerin atot otieko cokere pi suri. Gin kiwaco be, “Miero komunao Yerusalem! Wan obino nene kede wang wa di kotieko dudubo en.”

Yosua 7:9

Jo me Kanan kede jo dedede abedo i lobo noni bino winyo kop noni di kiko lukaro wa di kiko neneko wa dedede. Di do nyo kame in ibino timo pi gengo jo waco kop arac i nyingi adwong?”

Gianyuta 17:13

Abakai tomon nogi dedede oribo tam acel me mino twer kede akarunikin gi but le.

Gianyuta 19:19

Di ako neno le kede abakai me wi lobo karacel kede isirikalen gi, di kicokere pi yi kede ngat kame oudo bedo i wi asigira kede isirikalen mege.