Sabuli 81:3 - Baibuli I Leb Kumam 2013

³ Kutunu agwara me ebaga me por duwe, kede me duwe kame otieko dongo, gin ceng me ibagai wa.

Sabuli 81:3 Iomraidhean Croise

2 Abakai 4:23

Cware oko penye be, “Pinyo komio itie ot bute tin? Tin likame obedo ceng me Ebaga me Por Duwe amoto ceng Sabato.” Do en eko dwoko ne be, “Kur ipari.”

1 Iyutun 15:16

Daudi oko ciko jotel me Jolebi pi poko ne Jolebi wad gi tic me wer kede me gono jamini apapat me agoa, tetekeny gin kigoi were mogo amit me yomcuny kede adungu, arigirigi kede suanin abatal.

1 Iyutun 15:24

Josaseredoti Sebania, Yosapat, Netanel, Amasai, Sakaria, Benaya, kede Elieser, bin oko mino gi tic me kuto agwara i nyim Sanduku me Isikan ka Rubanga. Obed Edom kede Yekia da bin komio tic me daro erute kame donyo kabedo kame oudo koketo iye Sanduku me Isikan.

1 Iyutun 16:42

Keman kede Yedutun en kame oudo komio i cing gi tic me kuto agwarai kede gono suanin abatal me wer, kede jamini ace me wero were kacil. Awobe ka Yedutun bin komio tic me daro irutei.

1 Iyutun 16:6

kede josaseredoti Benaya kede Yakasiel en kame oudo komio tic me kuto agwara kare i kare i nyim Sanduku me Isikan ka Rubanga.

1 Iyutun 25:1

Daudi kede jotel me isirikalen bin oko yero ikwae ka Asap, ikwae ka Keman, kede me ka Yedutun pi bedo jo kame telo kop me wer. Gin oudo kipoore pako Rwot di kigoo arigirigin, adungun, kede suanin abatal. Nying jo kame bin oko yero i tic nono kede ipelun gi ige:

2 Iyutun 13:12

Rubanga kikome en obedo ngatel wan, doko da josaseredoti mege tie cuto kede agwarai me akuta pi lwongo wa cako yi kede wu. Wun jo me Isirael, kur iyiunu kede Rwot, Rubanga ka joakwari wu! Likame ibinunu twero bwono yi!”

2 Iyutun 13:14

Jo me Yuda oko lokere di kiko neno di isirikalen mogo tie cen ngei gi, kede doko di apat mege da tie i nyim gi. Gin kiko kok but Rwot di josaseredoti oko kuto agwarai.

2 Iyutun 2:4

Nan ango amito gero ne Rwot Rubanga na tempulo, di ako bino kwere bute. En ebino bedo kakame komie iye giayala me odok angwe kur, kede kame koyalo ne iye nakanaka mugati kacil, kede kame komie iye giayala awanga odiko kede otieno acelacel, kede i ceng Sabato kede i Ebaga me Por Duwe, kede i ceng adongo ace me woro Rwot Rubanga wa. En eciko ne jo me Isirael pi timo kamanoni nakanaka.

2 Iyutun 8:13

En oudo emio giayala di lubere kede cik me Iswil ka Musa amako ceng adongo: ceng Sabato, Ebaga me Por Duwe, kede ibagai adek me buli mwaka, magonogo en Ebaga me Mugati ali kede Arup, Ebaga me Kac, kede Ebaga me Kimere.

Sabuli 149:3

Mito kipak nyinge di kimielo, di kigoo ne wer amit kede ayekeyeke kede arigirigi.

Sabuli 33:2

Pakunu Rwot kede arigirigi; gounu ne wer amit kede adungu kame tie kede ausin tomon.

Sabuli 98:6

Kutunu agwara kede bilo di ilelemunu kede kilel i nyim Rwot, Abaka.

Koko ka Yeremia 2:6

En etuturo tempulo mere bala kima atie i poto; edudubo taberenakol mere. Rwot ojiko i Sion kwero ceng adongo kede ceng Sabato; kede twon gero eko dagi abaka kede josaseredoti.

Nakum 1:15

Nenunu wun jo me Yuda! Ngaor moro tie bino ki wi mori kede kop aber. En etie kelo kop me mulem! Tedunu ebaga wu di ikounu mino Rubanga gikame oudo icikerenu pi mine. Jo areco likame bobo bino suro lobo wu. Kotieko muducaro gi atwal.

Wel 15:3

“Ibinunu donyo mina giayala me twonin, imerekekin, romini kede diegi bala giayala awanga, arabo bala giayala me cobo isikan, arabo bala giayala me bercuny, arabo bala giayala me ceng adongo me edini; ngwece me giayala awanga nogi bino yomo cunya.

Wel 28:11

I agege me duwe acelacel, ibinunu mino giayala awanga but Rwot kaman: itobai are, emerekek acel, idwe romini kanyaare me mwaka acelacel, gin dedede di likame kitie kede peko moro i kom gi.

Iswilia 16:15

Tedunu ebaga noni pi ceng kanyaare pi mino wor but Rwot Rubanga wu, i kabedo kame en ebino yero. Poore ibedunu kede kilel pien Rwot Rubanga wu bino mino wu winyo i cam dedede kame ipurunu kede i gi dedede kame wun itimunu.

Jokolosai 2:16

Pi mano, kur imiunu ngatamoro ngol ne wu kop i kom cam amoto i kom giamata, akadi pi ceng adongo, arabo pi por duwe amoto Sabato.