Sabuli 53:4 - Baibuli I Leb Kumam 2013

⁴ Mam gin likame kitie kede ngec moro, gin jo kame timo gikareco, jo kame camo jo na bala kwon di likame kilego buta?

Sabuli 53:4 Iomraidhean Croise

Sabuli 27:2

Ka jo areco osura di kimito muducaro ango, gin jo kame kibedo jokwor kede joading na, gin kibino gete kiko popoto.

Sabuli 94:8

Miero iniangunu, Okwe wun jo kame tam wu goro; wun jomingo, kara ibinunu doko riek awene?

Isaya 27:11

Kame ajange me yen kotuturun otuo di kiko popoto piny, mon coko gi me moko mac. Pi kite kame jo nogi likame tie kede niang moro, Rubanga ngat kocweo gi likame bino bedo kede kisa but gi, en likame ebino nyuto negi mwolo.

Yeremia 10:25

Bwot gero ni i kom atekerin kalikame paro piri, kede i kom jo kalikame wori. Pien gin kineko ikwae ka Yakobo; gin kimuducaro gi atwal atwala di kiko mino lobo gi odoko ameje.

Yeremia 4:22

Rwot waco be, “Jo na jomingo; likame kingea. Gin kical bala idwe amiming; likame kitie kede niang. Gin kitie kede diru me timo gikarac, do likame kitie kede ngec moro me timo gikame ber.”

Gianyuta 17:16

Tung le tomon kame in oudo ineno, gin karacel kede le kibino dagi malaya nono; gin kibino tero jame dedede kame en etie kede di kiko weke nono abongo gimoro; kibino camo ringokome di kiko wange kede mac.