Sabuli 139:1 - Baibuli I Leb Kumam 2013

¹ Okwe Rwot, in itieko ngingico ango di iko ngena.

Sabuli 139:1 Iomraidhean Croise

2 Samuel 7:20

Nyo bobo kame ango akaruno waco ni? Pien in ingeo ngatic ni, Okwe Rwot Rubanga!

1 Abakai 8:39

tim ber iwiny kwac gi i malo kabedo ni. Sasiro gi di iko konyo gi. Tim negi gikame poore kede yote me kuo gi, gikame in ingeo kame tie i cuny gi, pien in keni en kame ingeo gikame tie i cuny dano acelacel.

2 Abakai 19:27

“Ango angeo kope dedede kame maki, gi dedede kame in itimo kede kabedere kame in ioto iye. Ango angeo gero kame itie kede i koma.

1 Iyutun 17:18

Nyo bobo kame ango akaruno waco ni pi wor kame in imia ango ngatic ni? Pien in ingea ango ngatic ni kiber, Okwe Rwot Rubanga!

1 Iyutun 28:9

“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.

Sabuli 139:23

Ngingico ango, Okwe Rubanga, iko ngeno cunya; kong tama iko ngeno tam na.

Sabuli 17:3

Ka ingingico cunya, ka iwelao ango iwor, ka itama, likame ibino udo tim areco i kuo na; doga likame yamo kope areco,

Sabuli 44:21

mam koto Rubanga ongeo? Piento en engeo mung me cuny jo.

Yeremia 12:3

Do Rwot, in ingeo ango; in itieko ngingico ango di iko pimo ka cunya tie i komi. Ware kede jo nogo bala romini kame kotie ot neko, pok gi ken gi kikur ceng me neko gi.

Yokana 21:17

Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.

Gianyuta 2:18

“Wandiko but malaika me ekodet me jokirisito kame tie Tuatira be: “Magi en kop kowok kibut Wot ka Rubanga, ngat kame wange cal bala leb mac, kede kame tiene cal bala nyonyo burons kame korudo.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.