Sabuli 127:3 - Baibuli I Leb Kumam 2013

³ Idwe obedo giamia kame wok kibut Rwot, nyige kodi kame wok ki yic obedo winyo kame Rwot mio.

Sabuli 127:3 Iomraidhean Croise

Ageini 1:28

Rubanga oko lamo negi winyo, di eko waco negi be, “Nywalunu ikounu nyai, di ikounu pongo lobo, ipugenu da; bedunu kede loc i kom deknam kede i kom winy me wi yamo, kede i kom giakuo dedede kame twero ot i wi lobo.

Ageini 24:60

Di gin kiko lamo ne Rebeka winyo di kiwaco be, “Amin wa, wan okwao ni idok toto me jo atutututu; okwao be ikwae ni bwon jokwor gi di kiko mano bomban gi.”

Ageini 33:5

Kakame Esau otingo kede wange eko neno mon kede idwe, en eko penyo Yakobo be, “Alu ige atie kedi gi?” Yakobo oko dwoko be, “Gin kibedo idwe kame Rubanga omio ngatic ni pi kisa mere.”

Ageini 4:1

Kikano Adamu oko yac ne dako mere Keba. Keba oko nywalo Kain di eko waco be, “Rwot okonya emia audo atin awobi.”

Ageini 48:4

di ewaco be, ‘Ango abino mini inywalo idwe atot di iko nyai. Abino mino ekodet me jo wok kibuti, doko abino mino lobo noni but ikwae ni me kare me anyim, me bedo mergi atwal.’

2 Samuel 3:5

me kanyape oko bedo Itiream, kame toto mere oudo nyinge Egela. Awobe nogi dedede Daudi onywalo i Keburon.

1 Iyutun 28:5

En emia awobe atot, di kikom gi en eko yero Sulumani pi bedo i kom me ajakanut mere me Isirael, pi pugo jo Isirael.

1 Iyutun 8:40

Awobe ka Ulam oudo obedo jo yi acuny gi nwang, di kitie kede apiranut me yi kede emal. En oudo etie kede jo tol acel kede ot kany (150) kobedo awobe mege kede awobe kobedo ikwae mege. Jo dedede kame nying gi tie malo go oudo obedo ikwae ka Benjamin.

Yobu 1:2

En bin eko nywalo awobe kanyaare kede anyira adek.

Isaya 13:18

Kibino neko awobe kede emal; likame kibino bedo kede kisa i kom imukerun kede i kom idwe atino.

Isaya 8:18

Rwot me jo yi, ngat kame bedo i wi moru me Sion otieko keta, ango kede idwe kame emia, pi bedo bala anen akuo but jo me Isirael.

Iswilia 28:11

Rwot bino mino wu idwe atot, ebino mino leini wu nyai, ebino mino wu amio i lobo kame en bin ecikere but joakwari wu pi mino wu.

Iswilia 28:4

“Rwot bino mino wu winyo me nywalo idwe atot, me udo amio, kede me nyai me doke kede romini wu.

Jongolkop 12:9

En oudo enywalo awobe ot adek kede anyira da ot adek. En eko mino anyira mege ot adek onyomere ooko me dogola me ekeko gi me anywali, doko da eko kelo mon ot adek ki ooko me dogola me ekeko gi me anywali pi nyomere kede awobe mege. En eko bedo ngangolkop i Isirael pi mwakini kanyaare.

1 Samuel 1:27

Ango alego pi udo atin noni, di Rwot oko mina gikame akwae.