Sabuli 102:2 - Baibuli I Leb Kumam 2013

² Kur ilok wangi tenge kibuta, i ceng kame atie kede i peko. Cik yiti buta; susunyo gamo doga i ceng kame alwongi kede.

Sabuli 102:2 Iomraidhean Croise

Yobu 34:29

Ka Rubanga obedo gire mot, ngai kame karuno waco be etimo rac? Ka Rubanga okano wange, ngai kame karuno nene? Do en etie kede loc i kom ateker amoto dano moro di rom aroma,

Yobu 7:21

Pinyo komio likame isasiro dub na di iko kwanyo tenge gikareco na? Aso ango ayapuno gira ot buto i ates; in ibino mona, do ango abino bedo li.”

Sabuli 104:29

Kame in ikano negi wangi, manono onyo koyo i kom gi; kame in ikwanyo wei gi, gin kito di kiko dok i apua.

Sabuli 13:1

Okwe Rwot, tuno awene? Mam wi do oyaro wil keda atwal atwala? Iyaro loko na ngei tuno awene?

Sabuli 143:7

Okwe Rwot, gam kwac na awakawaka; cunya okwanyere. Kur ikan na wangi, ka li, ango abino bedo cal bala jo kame donyo piny i ates.

Sabuli 17:1

Winy koko na Okwe Rwot, pien kop na tie me ateni; cik yiti iwiny ilega kame wok ki doga, ilega kame angalo li kiye.

Sabuli 22:19

Do in, Rwot, kur ibed bor tenge! Okwe ngakony na, susunyo bino konya.

Sabuli 27:9

kur ilok wangi tenge kibuta! Kur iriama kede gero, ango ngatic nin, in en kame lem ibedo konya; kur iweka, kur ijala, Okwe Rubanga in ngat kame laka.

Sabuli 31:2

Cik yiti iwinya; laka awakawaka. Bed bala lela kame ango aringo ot gwokere iye, bed apama atek kame laka.

Sabuli 40:13

Okwe Rwot, mi cunyi bed yom laka; Okwe Rwot, susunyo bino konya.

Sabuli 69:17

Kur ilok wangi tenge kibut ngatic nin, pien atie i can, susunyo gamo kwac na.

Sabuli 70:1

Okwe Rubanga, mi cunyi bed yom pi laka. Okwe Rwot, susunyo bino konya!

Sabuli 71:2

Laka doko marao ango pien in ipoore; cik yiti iwiny kwac na di iko laka.

Yai 2:23

Ingei mwakini mogo, Parao me Misiri oko to. Jo me Isirael oudo pwodi tie meede cur kede peko kame oudo kitie iye bala mabus, di kikok pi kony. Di gin oudo kitie bala mabus kamanono, koko gi oko tuno but Rubanga.

Yai 2:24

Rubanga oko winyo cur gi di eko yutuno isikan kame oudo etimo kede Aburaam, Isaka kede Yakobo.

Isaya 43:2

Ka ibinunu beo i pii atut, ango abino bedo tie kede wu; peko kame ibeunu iye likame bino bwono wu. Ka ibinunu beo i mac, likame ebino wango wu; akadi leb mac likame bino reno wu.

Isaya 65:24

Di pwodi gin likame kikwaa, ango abino gamo kwac gi, doko di pwodi gin likame kitieko waco gikame kitie kwano, ango abino winyo kwac gi.

Isaya 8:17

Rwot otieko pwono ne jo mege me Isirael, do ango abino gene kamanono.

1 Jokorinti 10:13

Likame tie atama moro kame in ibeo iye kame jo apat likame pwodi obeo iye. Rubanga genere, doko likame ebino jali i atama kame bwono teko ni. Do i kare me atama en ebino mini teko me kanyakino di iko udo yongayo me bwot.