Sabuli 101:6 - Baibuli I Leb Kumam 2013

⁶ Abino neno kede kisa jo kame bedo i lobo noni di kigenere, tetekeny kibin kibed keda; ngat kame bedo abongo raco moro i kuo mere bino tic nango.

Sabuli 101:6 Iomraidhean Croise

Sabuli 119:63

Ango abedo ngaupa me jo dedede kame lwori, ngaupa me jo agwoko cik nin.

Sabuli 15:4

Gin kineno jo areco kede acae, do kimio wor but jo kame lworo Rwot. Gin likame kiloko tam gi ki gikame kitieko kwongere iye akadi di elit negi.

Sabuli 34:15

Wang Rwot tie i kom jo kopoore, doko ewinyo koko gi.

Agole 28:28

Ka jo areco odonyo i apugan, jo bedo pwono apwona; do kame apugan gi oko poto, jo kopoore doko tot.

Agole 29:2

Kame ngat kopoore tie i apugan, jo bedo kede kilel; do kame ngat karac en kame tie pug, jo bedo dinyo adinya.

Jolebi 14:42

Di oko bino lunyo keto engaro apat kawang kame kokwanyo noka, doko di oko medo puco ot kiber.

Matayo 24:45

“Ngai do en ngatic kame genere di eriek, kame ngadwong mere kete daro ode kede jame dedede kame tie iye, pi mino jotic icegun cam iesawa kopoore?

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 14:3

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Gianyuta 21:3

Di ako winyo dwan amalo di eyamo ki kom me ajakanut be, “Neningo, paco ka Rubanga tie i diere me jo. En ebino bedo kede gi di gin kiko bino bedo jo mege. Rubanga kikome bino bedo kede gi.