Sabuli 10:3 - Baibuli I Leb Kumam 2013

³ Pien jo areco wakere pi mit gi me cuny gi, jo kame tie kede keu me ud i yore arac dagi Rubanga di kicae.

Sabuli 10:3 Iomraidhean Croise

1 Abakai 20:25

Di iko coko isirikalen di tot rom bala kame bin ikei, di kitie kede asigiran kede cabalan arom aroma kede kame oudo bin in itie kede. Wan obino yi kede jo me Isirael i kakame mori li kiye, di ateteni oko bino bwono gi, pien wan obino bedo tek kalamo gi.”

Yobu 31:24

“Ka ango atieko keto gen na i kom saabu, arabo ka awaco ne saabu kame kojililo kiber be en ngagwok na;

Sabuli 35:21

Gin kipida di kilelemo be, “Ee, Ee, wan otieko neno kede wang wa.”

Sabuli 49:18

Akadi bed bala i kare me kuo gi gin kitamo be kitie kede yomcuny, di jo pako gi pien gi dedede tie negi kiber,

Sabuli 49:6

gin jo kame geno abar gi, di kiwakere pi twon abar kame kipong kede?

Sabuli 5:6

In imuducaro jo kame yamo kope me abe; Rwot cunye dagi jonek kede joangalo.

Sabuli 52:1

Pinyo komio iwakere, Okwe in ngateko, pi raco kame itimo ne jo kame woro Rubanga? Piny yuluyul

Sabuli 94:4

Gin kiyamo kope me ewaka; jo dedede kame timo gikareco wakere.

Yai 15:9

Jokwor owaco be, ‘Obino wapo gi di oko mako gi, obino popoko gikame oyako kibut gi bala kame cuny wa mito. Obino kwanyo ipimai wa di oko neneko gi.’

Agole 28:4

Jo kame dagi lubo iswil pwoyo jo areco, do jo kame lubo iswil bedo jokwor gi.

Ngarab kop 7:15

Ango atieko neno gi dedede i kare me kuo na kame kony mere li noni; tie jo mogo abeco kame to i timo gikame poore, doko tie jo kame timo gikareco di kiko bedo kuo pi kare kalac i tim gi areco nogo.

Isaya 37:23

Benyo, iparo be ngai en kame in oudo itie yeyeto di icao? Ngai en kame in oudo ilelemo i wie? Ngai en kame in oudo ineno kede ewaka kame cal kamano? Magonogo in oudo itimo i kom ango Rubanga kacil me Isirael!

Isaya 57:17

Ango oudo alilo kede gi pi dub gi kede eranga gi, di ako mino gi alola, doko ako pwono negi. Do gin kiko meede dok lubo yote gi.

Yeremia 22:17

Do gikame in itie neno kede kame cunyi tie iye en kenekene bedo kede ud piri keni; in ineko jo kame li kede kop, doko itero jo ni i yore karac kede gero.

Jolebi 26:30

Abino dudubo kabedere kame iworunu iye rubangan i wi imukuran, di ako totongo alutarin wu me wango odok angwe kur; abino dodoko liele wu i kom cal me rubangan wu kame korereto piny. Cunya bino dagi wu kitek.

Abakuk 2:9

Itienu i can wun jo kame imiunu jo me ude wu oudo abar i yore arac. Wun itamunu gero miere wu kakame gimoro arac likame romo tuno iye, bala winyo kame gero ode malo!

Luka 12:15

Di en eko waco ne gi be, “Gwokerenu ki kom par dedede pi jame; pien likame kuo me dano cungo i kom rom me jame kame en etie kede.”

Luka 12:19

Di do ako waco i cunya kena be, nen atie do kede jame dedede abeco kame amito pi mwakini atot. Wek do aud alakanar, acami, doko amati, di ako bedo kede yomcuny.’

Joroma 1:29

Gin oudo kipong kede epone me tim areco dedede, raco, paro jame me jo, kede tam areco i kom jo. Oudo kipong kede nyeko, nek, lok, angalo, cuny acol, kede akwot,

Joroma 1:32

Akadi bed bala kingeo iswil ka Rubanga kame waco be jo kame timo akodi gi nogi poore to, gin kimeede ameda timo gi nogi, doko da kipwoyo jo apat kame timo gi nogi.

1 Jokorinti 6:10

jokuwo, arabo joeranga, joamera, jo kame dubo nying jo, amoto joyak, Ajakanut ka Rubanga likame bino doko mergi.

Joepeso 5:5

Ngeunu kiber be, likame tie ngacaro, arabo dano moro kame tie kede tim me emuna, amoto ngaeranga (pien eranga obedo epone acel kame jo woro kede cal jwogi), kame bino donyo i Ajakanut ka Kirisito kede me ka Rubanga.

Iswilia 29:19

Nenunu be likame tie ngatamoro kan tin kame winyo kwongere me isikan noni, di en eko lokere waco kene be gi dedede bino bedo nen kiber, akadi di en ebed kede epali di eko donyo timo gikame cunye mito. Manono bino kelo can i kom jo dedede, jo abeco kede jo areco di rom aroma.

Iswilia 32:19

“Kakame Rwot oneno kede manoni, cunye oko wang, di eko dagi idwe mege awobe kede anyira.

Jokolosai 3:5

Pi mano, jikunu atwal mit me lobo kame itienu kede, bala caro, tim me emuna, bedo jomit, kede mit areco, kede eranga (gikame rom aroma kede mino cal jwogi wor).

Yakobo 4:13

Winyunu kong ber, wun jo kame iwacunu be, “Tin amoto diki obino ot i bomba acal kaman, di oko bino tieko mwaka kuno di osubulo, oko bino udo sente,”

Yakobo 4:16

Do bala kite kame etie timere kede, wun iwakerenu pi tingere wu, ewaka acal kamanono kom rac.

1 Yokana 2:15

Kur imarunu piny amoto jamini kame tie i piny. Ka imarunu piny udo likame imarunu Papa.

Jongolkop 17:2

En bin eko waco ne toto mere be, “Siliba tutumia acel kede tol acel kame oudo kokwalo kibuti, di in iko lamere di ango atie winyo, siliba nogo tie butango; ango en oudo akwanyo gi, do nan abino dwoko gi.” Toto mere oko waco be, “Woda, akwao Rubanga mi winyo!”

1 Samuel 23:21

Saulo oko waco be, “Akwao Rwot emi wu winyo pi tim me kisa kame inyutunu na!