Sabuli 1:3 - Baibuli I Leb Kumam 2013

³ Gin kical bala yen kame kopito osamai, kame nyak i kare kikokome, doko pote gi likame ner. Gi dedede kame jo nogo timo ngetakin kiber.

Sabuli 1:3 Iomraidhean Croise

Ageini 39:23

Ngadwong me otkol bin likame do tie kede par moro i kom gikame oudo etieko keto i cing Yosepu, pien Rwot oudo tie kede, doko gi dedede kame bin Yosepu timo oudo Rwot mio cobere kiber.

Ageini 39:3

Ngadwong ka Yosepu bin oko neno be Rwot oudo tie kede Yosepu doko oudo emio gi dedede kame en etimo cobere kiber.

2 Abakai 18:7

Rwot oudo tie kede en, omio kabedere dedede kame en bin eoto iye gi dedede bedo ne kiber. En bin eko jemo edagi timo tic ne abaka me Asiria.

1 Iyutun 22:11

Daudi oko meede di ewaco be, “Pi mano, in woda, ango akwao Rwot Rubanga ni ebed kedi, tetekeny in ikaruno gero ot ka Rubanga ni, bala kame en etieko waco.

1 Iyutun 22:13

Ka in ilubo iswilia dedede kame Rwot bin omio Musa pi mino jo Isirael, gi dedede bino bedo ni kiber. Bed di itek, doko bed kede nwangcuny. Kur ibed kede lworo moro arabo potocuny.

2 Iyutun 31:21

Tice dedede kame bin en eko timo amako tempulo, arabo amako lubo Iswil kede cik ka Rubanga, en etimo gi kede cunye lung; manono en komio gi dedede oko bedo ne kiber.

2 Iyutun 32:23

Jo atot bin oko ot Yerusalem pi tero giayala gi but Rwot, kede pi tero giamia me jamini abeco but Abaka Esekia me Yuda, di do cako i kare nono atekerin dedede oko donyo bedo kede wor but Esekia.

Yobu 14:9

do tek ka kot omule, en elot bobo bala yat apwodi titidi.

Yobu 22:28

Gi dedede kame in ibino timo, bino cobere ni kiber, doko nyimi bino bedo ler.

Sabuli 128:2

In ibino camo anyakini kame kwok ni okelo; in ibino bedo kede yomcuny, doko gi dedede bino bedo ni kiber.

Sabuli 129:8

Jo kame beo kanono da likame twero waco be, “Winyo kame Rwot mio bed i komu! Wan okwao ne wu winyo i nying Rwot!”

Sabuli 92:14

kame pwodi nyak akadi i kare me tio gi; gin kilibaliba di pige tot i kom gi.

Sabuli 92:15

Manono nyuto be Rwot opoore; en etie lela nango, doko eli kede tim moro arac.

Isaya 27:11

Kame ajange me yen kotuturun otuo di kiko popoto piny, mon coko gi me moko mac. Pi kite kame jo nogi likame tie kede niang moro, Rubanga ngat kocweo gi likame bino bedo kede kisa but gi, en likame ebino nyuto negi mwolo.

Isaya 3:10

Jo kame li kede raco moro tie kede winyo aber, pien gin kibino udo bero pi gikame kitimo.

Isaya 44:4

Gin kibino bedo kiber bala lum kame pii romo kiber, kibino bedo cal bala yen kame dongo i nget isamai amol.

Isaya 58:11

Ango abino telo wu nakanaka di ako mino wu gikame mitere ne wu i kabedere kotuo. Abino mino ibedunu tek di itienu kede yotkom. Ibinunu bedo cal bala poto kame pii oromo kiber, bala atan kalikame tuo.

Yeremia 17:8

Gin kical bala yen kame kopito i dog osamai; aliasin gi tuno i pii. Gin likame kitie kede lworo ka lieto obino, pien pote gin dong di numu; ka ceng orieny cutucutu gin likame kiparo, pien gin kimeede ameda nyako anyakini.

Esekeri 17:8

Do olok nono bin oudo kotieko kobe i lobo aber kame pii oudo tie iye kiber, be tetekeny etim jange di eko nyak di eko doko olok aber twatwal.

Esekeri 19:10

Toto ni oudo cal bala yat olok kame kopito i nget pii. Pien oudo kopite kakame pii romo kiber, omio eko janyo di eko nyak.

Esekeri 31:5

Manono bin oko mino yat nono odongo bor malo, kalamo yen apat dedede me abum. Atenin mege oko cwe di kiko doko bocoboco, pi pii atot kame oudo tie i kome.

Esekeri 47:12

I bad tetuni kede tetuca me ecilet noni bino dongo iye yen me egere dedede anyako anyakini kame kocamo. Pote gin likame bino tuo, doko da likame gin kibino jiko nyako anyakini. Gin kibino nyak buli duwe, pien pii kame bido aliasin gin mol wok ki tempulo. Yen nogo kobino camo anyakini gi, do pote gi kobino tic kede gi me cango jo.”

Wel 24:6

Kipete kugo kugo bala tugere, arabo poti kame tie i nget ecilet; kical bala yen aloe kame Rwot opito arabo yen seda kame tie i nget pii.

Matayo 13:6

Do kakame ceng orieny kede, ceng oko wango gi kiko ner, pien aliasin gi oudo likame odonyo piny kiber.

Matayo 21:19

En eko neno yat epigi ilak yongayo. En eko ot i dude, do likame eko udo anyakini moro iye kwanyo pote erume. Di do en eko waco ne yat nono be, “Likame ibino nyak bobo.” Esawa nono di yat nono oko tuo.

Matayo 21:34

Kakame kare me ngwedo anyakini otuno kede, en eko cwano jotic mege but jodar poto pi omo ne anyakini kame make.

Matayo 21:41

Gin kiko dwoko ne be, “Ebino neko jo areco go iepone me to arac adikinicel, di en eko bino keto poto me olok i cing jodar ace, kame bino mine anyakini kame make i kare me ngwedo gi.”

Yokana 15:6

Ka dano moro likame odong i ango, kouce bala ajange di eko tuo; di oko coko ajange nogo oko uco gi i mac kiko wang.

Iswilia 28:8

“Rwot bino mino wu winyo i lobo kame en ebino mino wu. Ebino mino wu winyo i gi dedede kame itimunu, doko da dere wu bino bedo di opong kede cam.

Yuda 1:12

Gin kitie bala kakocukukao i ibagai wu me amara, di kicamo kede wu ibagai abongo lworo, kede di kilelemo abongo lewic. Gin kiparo pirgi kenekene; kical bala idoun kame yamo tero do di likame kicwei; kical bala yen kame li kede anyakini i atiekini me kare me oro, yen kame koputo aliasin gi; pi mano gin kitieko to tien are.

Gianyuta 22:2

di elubo cuny gudo me bomba. Tuni kede tuni me ecilet nono oudo tie iye yat me kuo, kame nyak tien tomon kiwie are i mwaka acel; kicel buli duwe. Pote me yat nono tie pi cango me atekerin.