Mika 4:3 - Baibuli I Leb Kumam 2013

³ En ebino ngolo kop i diere me atekerin, i diere me atekerin atek kame iyapiyapi kede kame tie kakabor. Gin kibino teto ipimai gi doko leb kwei me dok, kede tongini gi kibino teto doko pale me lwero yen. Atekerin likame bobo bino yi, akadi pwonyere i yi bobo.

Mika 4:3 Iomraidhean Croise

Sabuli 46:10

En ewaco be, “Bedunu mot, di ikounu ngeno be ango abedo Rubanga! Atekerin dedede miango dwongo, wi lobo lung miango dwongo.”

Sabuli 46:9

En ejiko yi i wi lobo dedede, etuturo tire me emal, enyonyobo tongini di eko wango ibukui i mac.

Sabuli 72:3

Mi mori kede imukuran kel ne jo lonyo, pien gin kipoore.

Sabuli 72:7

Mi kuo kopoore nyai i kare mere, doko mulem adwong bed tie nakanaka bala duwe.

Sabuli 82:8

Yai, Okwe Rubanga, ingol kop ne lobo; pien atekerin dedede obedo megi.

Sabuli 96:13

i nyim Rwot; piento en etie bino, etie bino pi ngolo kop ne lobo. En ebino ngolo ne piny kop i yore kopoore, ebino ngolo ne jo kop i ateni.

Sabuli 98:9

piento en etie bino pi ngolo ne lobo kop. En ebino ngolo ne jo me piny kop i ateni bala kame poore ne dano acelacel.

Isaya 2:4

En ebino ngolo kop i diere me atekerin di eko bino poko jo atot atie kede twomere. Gin kibino teto ipimai gi doko leb kwei me dok, kede tongini gi kibino teto doko pale me lwero yen. Atekerin likame bobo bino yi, akadi pwonyere yi bobo.

Isaya 25:3

Pi manono, jo me atekerin atek bino paki; jo me bomban me atekerin ager bino lwori.

Isaya 51:5

Ango abino bino awakawaka di ako lako wu; alako na otieko timere. Ango abino pugo atekerin kede teko na. Lobere kame tie kakaboco tie kura, gin kitie kura kede gen pi lako gi.

Isaya 60:12

Atekerin kalikame bino timo nin tic kobino muducaro gi atwal.

Isaya 65:25

Ipeon kede idwe me romini bino cam karacel; inguon bino camo arienge bala dok, doko cam me twole bino bedo apua. Gin likame kibino kakao jo arabo mino ngatamoro awanon i wi moru na kacil.”

Isaya 9:7

Akarinikin mere me pug bino meede ameda dongo; anapakin me nakanaka bino bedo tie i ajakanut mere. En ebino lunyo kom me ajakanut ka Daudi, di eko mino ajakanut nono cungo di etek i yore me pug kede ateni kede i yore kopoore, cako nataman i kare noni tuno i kare me ajikini. Mit kame Rwot me jo yi tie kede pi timo kamanoni bino mino ecobere.

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

Kosea 2:18

I kare nono ango abino timo isikan kede leini me obar, winy kame por i malo, kede jamini kame liao alia i piny, tetekeny gin likame kibino timo ne jo na gimoro arac. Ango abino kwanyo tenge ki lobo jamini dedede me yi, di ako mino jo na bedo kede mulem kede anapakin.

Kosea 2:20

Ango abino bedo kede genere di ako teri ibedo dako na, di in iko bino ngena bala Rwot.

Yoweri 3:2

Ango abino coko atekerin dedede di ako kelo gi i aditot me Yekosapat. Ango abino pido kede gi i kunono pi jo na me Isirael. Gin kitieko sarakino gi i diere me atekerin di gin kiko popoko lobo na.

Mika 5:15

Ango abino timo onyanga kede twon gero, i kom atekerin dedede kalikame oko lubo kop na.”

Sakaria 14:3

Di Rwot ko bino ot di eko yi kede atekerin nogo, bala etie yi i ceng me yi.

Sakaria 8:20

Rwot me jo yi waco be, “Kare tie bino kame jo me bomban atot bino bino Yerusalem kan.

Sakaria 9:10

Rwot waco be, “Ango abino kwanyo tenge cabalan ki Isirael, kede asigiran me yi ki Yerusalem; imalia me yi kobino dudubo. Abaka wu bino kelo anapakin i atekerin; ajakanut mere bino cakere ki nam adwong tuno i nam ocelu adwong, cako ki ecilet me Eupurate tuno i ajikini me wi lobo.”

Tice 17:31

piento en etieko cibo ceng kame en ebino ngolo ne kede jo me piny kop kede ateni. Dano kame en etieko yero en kame bino timo man, doko en etieko moko kop noni but jo dedede di eyaruno dano nono kikom jo oto.”

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

1 Samuel 2:10

Rwot bino muducaro jokwor mege; Ngamalo Twal bino mwoc i malo i kom gi bala kot. Rwot bino ngolo kop ne lobo lung, en ebino mino abaka mere teko, ebino mino abaka mere me kowiro twer.”