Luka 9:1 - Baibuli I Leb Kumam 2013

¹ Yesu oko lwongo josiao mege tomon kiwie are dedede karacel, di en eko mino gi twer kede akarunikin me riamo jwogi dedede kede cango tuwo.

Luka 9:1 Iomraidhean Croise

Matayo 16:19

Abino mini isumilito me Ajakanut me malo. Gi dedede kame in ibino tweno i piny, kobino tweno i malo da, doko gi dedede kame in ibino gonyo i piny kobino gonyo i malo da.”

Matayo 4:24

Rwonge mere oko sarakin i piny lung me Siria, omio di oko kelo ne jo dedede kame oudo tie kede tuwo me iponeso apapat, kiton jo kame oudo tie kede jwogi, jo kame oudo tie kede tuwo me ikwikwing kede tuwo kame neko kom dano lung. En eko cango gi.

Matayo 8:9

Pien ada atie i akarunikin me jo kame loa, doko ada atie kede isirikalen kame tie i akarunikin na; ka aciko acel kikom gi be, ‘Oti,’ en eko ot; doko ka awaco ne ace da be, ‘Bia,’ en ebino; kede ka awaco ne epasoit na be, ‘Tim gini,’ di en eko timo.”

Luka 10:1

Ingei mano, Rwot oko yero jo ace ot kanyaare kiwie are di eko oro gi are are pi kato anyim i bomban kede i adulion acelacel kame en oudo eyaro ot iye.

Luka 10:19

Winyunu ber! Ango atieko mino wu twer me nyono twole kede ikilitona, kede me lono twer dedede me ngakwor, di likame gimoro ko twero mino wu awanon.

Yokana 14:12

“Ateteni, ateteni awaco ne wu be, ngat kame yei ango ebino eda timo tice kame ango atimo; doko en ebino timo tice kame dongodongo kalamo mago, piento ango ayaro ot but Papa na.

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 3:16

Aso, twer kame tie i nyinge, kede yei nyinge nono, en komio dano kame nan inenunu kede kame ingeunu noni odoko tek; doko yei i kom Yesu en komio i cuo noni ocango, di wun dedede inenunu.

Tice 4:30

Riei cingi iko cango jo, doko wek kotim gi me isuur kede gianena pi nying Yesu Ngatic nin kacil.”

Tice 9:34

Di Petero oko waco ne be, “Aenia, Yesu Kirisito ocangi, aso yai malo ipet kabuto ni.” Cucuto nono di en eko yai malo.