Luka 8:12 - Baibuli I Leb Kumam 2013

¹² Kodi kopopoto i dier yongayo cungo pi jo kame winyo kop ka Rubanga, do Sitani bino ko kwanyo kop nono tenge ki cuny gi, tetekeny kur kiyei di kiko udo alako.

Luka 8:12 Iomraidhean Croise

Agole 1:29

Piento cunyu otieko dagi bedo kede ngec, doko da likame iyeunu bedo kede lworo but Rwot.

Agole 4:5

Ud rieko kede niang! Kur imi wi wil kede kope kame awaco ni amoto dagi gi.

Isaya 65:11

“Do likame ebino bedo kamanono ne wun jo kame idaganu, wun jo kame wi wu wil kede moru na kacil, di ikounu mino giayala wu me cam kede bwini but rubangan kame wun iwacunu be mio jo winyo.

Matayo 13:19

Ka ngatamoro owinyo kop me Ajakanut ka Rubanga di likame en eko keto i kuo mere, Ngarac bino di eko waraso kop kame kocuo i cunye. Ngat nono cal bala kodi kopopoto i yongayo.

Matayo 13:4

Kakame oudo etie cuc kede, kodi mogo oko popoto i yongayo, winy oko bino di oko camo gi pit.

Marako 4:15

Kodi kopopoto i dier yongayo cungo pi jo kame ka kocuo kop ka Rubanga di kiko winyo, Sitani bino awakawaka di eko kwanyo kop nono tenge ki cuny gi.

Luka 8:11

Yesu oko waco be, “Dwong me agole no en ine ta: kodi en kop ka Rubanga.

Luka 8:13

Kodi kopopoto i lobo kame obedo lela lela cungo pi jo kame ka kiwinyo kop ka Rubanga, kigamo kede kilel; do kop nono likame ko keto aliasin i kuo gi, mio gi kiyei pi kare acecek, do kame atama moro obino, kiko poto ki yei gi.

Luka 8:5

“Bin tie ngacuc moro kame ooto i poto mere cuno kodi; kakame oudo etie cuc kede, kodi mogo oko popoto i dier yongayo, tien jo oko nyonyono mago, di winy oko camo gi pit.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.