Luka 7:9 - Baibuli I Leb Kumam 2013

⁹ Kakame Yesu owinyo kede kop noni, en eko bedo kede ur twatwal i kome, omio en eko lokere di eko waco ne jo kame oudo lube be, “Amito waco ne wu be, ango pwodi likame lem audo epone me yei kame cal kaman, akadi kiton i Isirael.”

Luka 7:9 Iomraidhean Croise

Matayo 15:28

Yesu oko dwoko ne be, “Dako ni, yei ni dwong twatwal! Wek etimere ni bala kite kame in imito kede.” Kikano nyare oko cango esawa nono.

Matayo 8:10

Kakame Yesu owinyo kede kop mere, en eko uro di eko waco ne jo kame bin lube be, “Ango pwodi likame audo epone me yei ni, akadi i piny me Isirael da.

Matayo 9:33

Do kakame Yesu otieko riamo kede jwogi tenge ki kome, dano kame oudo bin lebe oto nono oko cako yamo. Ekodet oko uro di kiwaco be, “Lem pwodi likame tie gi koneeno i piny me Isirael kame cal kaman.”

Luka 7:10

Kakame jo kame bin kocwao nogo odok kede paco, kiko udo epasoit mere nono di otieko cango.

Luka 7:50

Do Yesu oko waco ne dako nono be, “Yei ni olaki, ot kede mulem.”

Luka 7:8

Pien akadi ango da kikoma, atie i akarunikin me jo kame loa, doko da atie kede isirikalen kame tie i akarunikin na. Ka aciko acel kikom gi be, ‘Oti,’ en eoto; doko ka awaco ne ace da be, ‘Bia,’ en ebino; kede ka awaco ne epasoit na be, ‘Tim gini,’ en etimo.”