Luka 4:2 - Baibuli I Leb Kumam 2013

² kakame Sitani oko tame kiye pi ceng ot ongwon. En likame oudo ecamo gimoro pi kare go dedede. Di do ceng go otiek, kec oko neke.

Luka 4:2 Iomraidhean Croise

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

1 Abakai 19:8

Elia oko yai malo di eko cam, kede eko mato pii, di eko udo teko me ot pi ceng ot ongwon tuno i moru me Sinai, en moru ka Rubanga.

Esita 4:16

“Oti icok Iyudayan dedede atie Susa karacel, di ikounu kanyo kec di ilegunu pira. Kur icamunu gimoro akadi mato gimoro pi ceng adek kede iwor da adek. Ango karacel kede anyira kame konya wada obino timo kamanono. Ingei manono ango abino ot but abaka tetek bed bala iswil likame yei; ka ango abino to pi timo kamanono, ango do ayei.”

Yai 24:18

Musa oko ot malo i wi moru di eko donyo i edou nono. En eko bedo kuno pi ceng ot ongwon.

Yai 34:28

Musa oko bedo i wi moru kunono kede Rwot pi ceng ot ongwon, di likame etie camo gimoro akadi mato pii. Musa oko wandiko kope me isikan nono i kide abatal, cik tomon nogo.

Yona 3:7

En eko mino kosarakino kop i Ninebe be, “Abaka kede jodongo mege me awora mio cik be: camo gimoro amoto mato gimoro likame tie. Kop noni mako jo dedede, leini dedede, dok kede romini dedede.

Matayo 21:18

Odiko kakame Yesu oudo tie dwogo kede i bomba, kec oudo oneke.

Matayo 4:2

Ingei Yesu kanyo kec pi ceng ot ongwon kede iwor da ot ongwon, kec oko neke.

Luka 4:3

Sitani oko waco ne be, “Ka in Wot ka Rubanga, wac ne kidi ni lokere dok mugati.”

Yokana 4:6

Atan ka Yakobo oudo tie kunono. Aso, kite kame Yesu oudo ool kede ot, omio en eko bedo piny i nget atan nono. Oudo esawa do oyapuno romo kanyape me i ceng.

Iswilia 9:18

Di ango bobo ako riebere piny i nyim Rwot, pi ceng ot ongwon; likame acamo arabo amato gimoro. Ango atimo manono pi dub kame wun oudo itimunu di ikounu mino Rwot cunye owang.

Iswilia 9:25

“Ango bin ako buto piny ariebacuny i nyim Rwot pi ceng ot ongwon, pien oudo Rwot otieko iikere pi muducaro wu.

Iswilia 9:9

I kare kame bin ango ayito kede i wi moru pi gamo kide abatal kame kowandiko i kom gi kope me isikan kame bin Rwot otimo kede wu, ango bin ako dong i wi moru kunono pi ceng ot ongwon; likame bin acamo arabo amato gimoro.

Iburanian 2:18

Pien bala kame eda kikome eneno kede can doko ebeo i aomacuny, en ekaruno konyo jo kame beo i aomacuny.

Iburanian 4:15

Pien likame wan otienu kede Ngatel Josaseredoti kalikame kisa twero mako i kom wa pi goro wa, do en etie ngat kame kotamo i yote dedede bala wada, do di likame en eko dubo.

1 Samuel 17:16

Goliat dano me Pilistia oko bedo wire bino cungo i nyim jo me Isirael di elwongo gi pi yi odiko acelacel kede otieno pi ceng ot ongwon.