Luka 4:16 - Baibuli I Leb Kumam 2013

¹⁶ Di Yesu oko ot Nasaret, kakame oudo edongo iye. Ceng Sabato en eko ot i sinagoga bala epone kame oudo en enare timo kede. En eko yai malo pi somo iwandik kacil;

Luka 4:16 Iomraidhean Croise

Matayo 2:23

En eko ot bedo i bomba kame kolwongo be Nasaret, tetekeny kop kame bin enabi owaco cobere kakare be, “Kobino lwonge be dano me Nasaret.”

Luka 2:39

Di do kitieko timo gi dedede bala kame iswil ka Rwot mito, Yosepu kede Maria oko dok kede Yesu i bomba me tur gi, kame kolwongo be Nasaret, i piny me Galilaya.

Luka 2:42

I kare kame oudo mwakini me dongo ka Yesu oromo kede tomon kiwie are, kiko ot i ebaga bala kite kame lem kinare timo kede.

Luka 2:51

Di do en eko upere kede gi, kiko dok Nasaret, di en eko donyo bedo kede wor but gi. Do toto mere oko kano kope nogi lung i cunye.

Luka 4:15

En eko donyo pwony i sinagogan gi, di jo dedede oko donyo pake.

Luka 4:17

di oko mine itabu kame enabi Isaya owandiko. En eko yabo itabu, di eko udo kakame kowandiko be,

Luka 4:21

Di do en eko cako waco ne gi be, “Tin iwandik kacil noni otieko cobere di wuda iwinyunu.”

Luka 4:23

En eko dwoko ne gi be, “Ango angeo kiber be wun iyarunu waco nango agole ni be, ‘Emuron, cangere keni; gikame wan owinyo be ngoce in itimo i Kaperanaum, poore itimi i pinyu kan da.’ ”

Yokana 18:20

Yesu oko dwoko ne be, “Ango atieko waco ne piny kop kakaler; doko abedo pwonyo jo i sinagogan kede i tempulo, kakame Iyudayan dedede cokere iye. Likame tie gimoro kame ango awaco i mung.

Tice 17:2

Paulo oko donyo i ot bala kite kame lem oudo enare timo kede, en eko piem kede gi pi Sabato adek di esomo ne gi iwandik kacil.