Luka 4:1 - Baibuli I Leb Kumam 2013

¹ Di do Yesu oko dwogo ki Yorodan di epong kede Tipo Kacil, di Tipo Kacil oko tele ot i tim,

Luka 4:1 Iomraidhean Croise

1 Abakai 18:12

Do benyo ka ango ayai ot di tipo ka Rwot ko teri kakame ango akwia? Di do kame ango ako waco ne Akab be in itie kan di en eko bino di likame eko udi, en ebino neka, bed bala ango abedo dano aworo Rwot cako di pwodi ango atin awobi.

1 Abakai 19:4

di eko ot i wi tim Sapali me ceng acel. Di do eko bedo piny i dud yat moro atie kare kene di eko paro be koto oudo eto. En elego be, “Rwot, eroma do, kwany do kuo na, pien nan ango da arom aroma kede joakwari na kotieko to.”

Isaya 61:1

Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.

Esekeri 3:14

Twer ka Rwot oko bino i koma kede teko adwong, di tipo mere oko tinga etera tenge, ango ako ot kede kec cuny doko di ager.

Matayo 3:16

Ingei batiso Yesu, en eko wok ki dud pii, cucuto di malo oko yabere ne, di eko neno Tipo ka Rubanga di bino oko poto i kome bala awele.

Luka 2:27

Tipo Kacil oko telo Esimioni, en eko bino i tempulo. Kakame jonywal me atin Yesu okele kede i tempulo pi timo ne gikame Iswil mito,

Luka 3:3

En eko ririmo adulion dedede kame oudo iyapiyapi kede ecilet me Yorodan, di ewaco ne jo be kiswilaro di oko bino batiso gi pi udo isasir ki dub gi.

Luka 3:38

wot ka Enosi, wot ka Set, wot ka Adamu, wot ka Rubanga.

Luka 4:14

Yesu oko dok Galilaya kede twer me Tipo Kacil, rwonge mere oko sarakin oromo pinye dedede kame oudo kio kede Galilaya.

Luka 4:18

“Tipo ka Rwot tie i koma, piento en etieko yera pi kelo ne jocan kop aber. En eora pi bino tuco ne jo kame kotweo kop kame mako gonyo gi, kede but imuduka kop kame mako yabere me wang. En eora pi gonyo jo kame kodio,

Yokana 1:32

Yokana oko mino ijura be, “Ango aneno Tipo Kacil di bino piny ki malo bala awele di eko dong i kome.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Tice 1:2

tuno i ceng kame kotere kede malo, ingei en ciko joor mege i twer me Tipo Kacil, joor mege kame oudo en eyero.

Tice 10:38

epone kame Rubanga bin oyero kede Yesu me Nasaret, di eko mine Tipo Kacil kede twer, kede da epone kame en eko ririmo kede piny di etimo bero ne jo, doko da di ecango jo dedede kame bin Sitani otweo, pien Rubanga oudo tie kede en.

Tice 8:39

Kakame do kiwok kede ki pii, Tipo ka Rwot oko rwenyo kede Pilipo, di ebwocit nono likame bobo oko nene, di eko meede kede ot mere di elelo.