Luka 3:16 - Baibuli I Leb Kumam 2013

¹⁶ omio Yokana oko dwoko ne gin dedede be, “Ango abatiso wu kede pii, do tie ngat kame tie bino, kame tie kede twer loa, kame ango da likame apoore pi gonyo ausi me amuka mere; en ebino batiso wu kede Tipo Kacil kede mac.

Luka 3:16 Iomraidhean Croise

Agole 1:23

Cikunu yitu iwinyunu epone kame abunano wu kede; abino mino wu tam na di ako nywako kede wu kop kame tie i cunya.

Isaya 32:15

Do Rubanga bino cwano ne wa tipo mere, di lobo koudo kony mere li ko bino doko poti aceko cam, di poti aceko cam ko bino mwone bala abum.

Isaya 4:4

Rwot bino ngolo kop di eko lonyo ateker me Isirael, di eko lwoko tenge raco me Yerusalem kede remo kame koonyo kunono.

Esekeri 36:25

Abino kikiro pii acil i komu di ako bino lonyo wu ki pwokere wu kede ki caljwogi wu.

Sakaria 13:9

Acel i kom adek odong kuo nogo abino keto gi i mac di ako lonyo gi bala jililo nyonyo siliba, di ako tamo gi bala tamo saabu kede mac. Di do gin kiko bino lego buta di ango ako gamo kwac gi. Ango abino waco negi be gin kibedo jo na, di gida kiko bino tuco kede dog gi be ango abedo Rubanga gi.”

Matayo 3:11

Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere.

Matayo 3:12

En etie kede oderu mere i cinge cuto, doko ebino weno diakal mere me canyo, di en eko coko engano mere eonyo i dero, do cucung ebino wango i mac kalikame to.”

Yokana 1:26

Yokana oko dwoko ne gi be, “Ango abatiso jo kede pii, do tie ngat kame nan tie cungo i diere wu, kame wun likame ingeunu,

Yokana 1:27

en nono en kame etie bino ki cen ngea; ango likame apoore pi gonyo ausi me amuka mere.”

Yokana 1:33

Ango da kikoma oudo likame angee; do ngat kame oora pi batiso jo kede pii oko waco na be, ‘Ngat kame inenunu Tipo Kacil obino piny di oko dong i kome, manono en ngat kame batiso jo kede Tipo Kacil.’

Yokana 7:38

doko ngat kame yei ango wek emat pii. Bala kite kame iwandik kacil waco kede be, ‘Icileta me pii me kuo bino mol wok ki cuny ngat kame yei ango.’ ”

Tice 1:5

Yokana bin batiso jo kede pii, do di pwodi likame ceng atot okato, wun kobino batiso wu kede Tipo Kacil.”

Tice 10:44

Di pwodi Petero oudo tie yamo, Tipo Kacil oko bino i kom jo dedede kame oudo tie winyo kop mere.

Tice 2:33

Pi kite kame kotieko kiarao en kede i bad tetu cam ka Rubanga, kede piento en etieko gamo Tipo Kacil kame bin Papa ocikere pire, en eko nan onyo gikame inenunu kede iwinyunu no.

1 Jokorinti 12:13

Pien i Tipo acel, wanunu dedede kobatiso wa okounu doko kom acel, Iyudayan arabo Jogurik, ipasoi arabo jo kogonyere, wanunu dedede Rubanga otieko keto Tipo acel nono i cuny wa.