Luka 3:11 - Baibuli I Leb Kumam 2013

¹¹ En eko dwoko ne gi be, “Ngat kame tie kede ikotin are, poore emi ngat kame li kede da; doko ngat kame tie kede cam da poore tim kamanono.”

Luka 3:11 Iomraidhean Croise

Esekeri 18:7

ka en likame etero ngatamoro kirac, do edwoko ne ngat kame tie kede banya mere gikame oudo esingao bute pi banya, ka en likame eyako jame me jo, ka emio jo kame kec oneko cam kede di emio jo aoto nono igoen,

Danieri 4:27

Pi manono, abaka, lub kop kame atie waco ni. Wek timo dub di iko donyo timo gikame opoore, di iko bedo kede cuny me kisa but jocan, di oko bino medo kare me mulem ni.”

Matayo 25:40

Di Abaka ko bino dwoko ne gi be, ‘Ateteni awaco ne wu be, bala kite kame bin itimunu kede kamanoni ne ngat acel kalikame pire dwong kikom imiegu kede amiegu na gi, udo bin itimunu nango.’

Luka 11:41

Do miunu gikame tie i ikopon kede i bakulin bala giamia but jocan, di gi dedede ko doko cil di lubere kede kwer wu.

Luka 18:22

Kakame Yesu owinyo kede kamano, en eko waco ne be, “Tie pwodi gi acel korem ni; oti icat gi dedede kame in itie kede, iko popoko ne jocan sente kame iudo, di iko bino bedo kede abar i malo, di do iko bino luba.”

Luka 19:8

Di Sakayo oko yai malo, di eko waco ne Rwot be, “Neningo, Rwot, ango ayaro mino dul me jame na but jocan; doko ka lem oudo arodo gi ka ngatamoro, ayaro cule kame rom kamanono tien ongwon.”

Yokana 13:29

Mogo oudo paro be, pi kite kame Yuda oudo mako kede isau me sente, Yesu oudo tie waco ne be eoti ewil jame kame mitere ne gi me ebaga, arabo be emi jocan da gimoro.

Tice 10:2

En oudo ebedo icuo kame keto cunye woro Rubanga kede jo me i ode dedede. Doko en oudo emio jo kony kede cunye lung di elego Rubanga nakanaka.

Tice 10:31

di eko waco be, ‘Kolonerio, Rubanga otieko winyo ilega ni, doko etieko yutuno in pi kony kame in ibedo mino but jocan.

Tice 10:4

En eko ngino malaika nono kede lworo, di eko waco be, “Benyo bo Rwot?” Malaika nono oko waco ne be, “Ilega kede mic nin me konyo jocan otieko tuno but Rubanga, omio en eyutuno in.

Joepeso 4:28

Jokuwo miero wek kuwo; do akaka manono wek kitim tic kede cing gi i yore aber, tetekeny kiko twero kwanyo giamia me konyo jocan.

1 Temeseo 6:17

Cik jo kame nataman obaro i piny kan kur kitingere, doko kur kiket gen gi i kom abar kalikame genere, do kipoore keto gen gi i kom Rubanga ngat kame mio wa jame dedede kede cunye lung pi kelo ne wa yomcuny.

1 Temeseo 6:18

Gin kipoore timo bero, kibed jo kobaro kede tim kabeco, jo kame mio kede cuny gi lung, di kitie kede cuny me nywako kede jo icegun.

Iburanian 6:10

Pien Rubanga timo gi dedede i yore me ateni; man bino mino likame wie wil kede tic kede amara kame wun inyutunu pire, i tic me konyo jo mege, bala kame pwodi itienu timo.

Yakobo 1:27

Edini kacil, kalikame opwokere i nyim Rubanga Papa en ine: konyo idwe kic kede apuserun ki can gi, kede gwokere keni weko mino piny dubi.

Yakobo 2:14

Imiegu kede amiegu na, kony mere nyo ka dano waco be etie kede yei, do di likame etie kede tice kame nyuto yei nono? Iparunu be yei nono twero lake?

1 Yokana 3:17

Ka ngatamoro tie kede jame me piny kan di en eko dagi konyo amin mere amoto omin mere kame tie kede rem me gimoro, benyo benyo kame etwero waco kede be en emaro Rubanga?

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.