Luka 23:2 - Baibuli I Leb Kumam 2013

² Kiko cako pide di kiwaco be, “Wan oudo icuo ni di tie rwenyo ateker wa, di egengo wa culo esolo but Kaisari, doko di ewaco be en kikome ebedo Kirisito abaka.”

Luka 23:2 Iomraidhean Croise

1 Abakai 18:17

Kakame Akab oneno kede Elia, en eko waco be, “Mam in inononi, ngakel peko adwong twatwal i Isirael?”

Sabuli 35:11

Ijurak me abe cungo di kiko pepenyo ango kop i kom gikame ango akwia.

Sabuli 62:4

Gin kenekene kitimo iik me reto dano ki ruom mere. Cuny gin yom i kom kop me angalo; kilamo ne jo winyo kede dog gi, do di i cuny gi kilamo gi kirac.

Yeremia 20:10

Awinyo di jo atot weweo be, “Lworo tie kabedo dedede! Pi manono opidenu!” Akadi jowota kiyapiyapi keda tie daro neno epone kame ango abino getar kede. Gin kiwaco be, “Cengemogo kobino ngale di do wan oko bwone di oko culo kwor i kome.”

Yeremia 38:4

Di do jodongo oko ot but abaka di gin kiko waco ne be, “Icuo noni miero koneke, piento en etie yamo kope akelo lworo i cuny isirikalen kame odong i bomba noni, karacel kede jo dedede. Icuo noni likame tie paro pi konyo jo, do en emito timo ne gin raco kenekene.”

Amosi 7:10

Di Amasia, en ngasaseredoti me Betel, oko cwano ne Abaka Yeroboam me Isirael kop be, “Amosi tie timo iik arac i komi i diere me jo me Isirael kanoni. Jo likame doko twero meede kede kanyakino kop mere.

Sakaria 11:8

Ango likame ako twero kanyakino kede jokwat adek ace koudo daga, di ango ako weko gin dedede i duwe acel.

Matayo 17:27

Do wan likame omito wango cuny gi, in ot i nam iko uco iliket, iko kwanyo deknam kame bino cako moko. Ka iyabo doge ibino udo ogap kame romo culo esolo nin kede mera me tempulo; kwany iko mino gi.”

Matayo 22:21

Gin kiko dwoko be, “Me ka Kaisari.” Di do en eko waco ne gi be, “Pi mano, miunu jame ka Kaisari but Kaisari, ikounu mino me ka Rubanga da but Rubanga.”

Matayo 27:11

Yesu oko cungo i nyim ngapug me Roma, kame oko penye be, “In ibedo abaka me Iyudayan?” Yesu oko dwoko be, “In en iwaco kamanono.”

Marako 12:17

Yesu oko waco ne gi be, “Aso, miunu Kaisari jame ka Kaisari, ikounu mino me ka Rubanga da but Rubanga.” Gin kiko uro kite kame edwoko kede.

Marako 15:2

Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”

Luka 23:14

di eko waco ne gi be, “Wun ikelunu icuo ni buta kan be etie rwenyo jo kede pwony mege; do ingei pepenyo en i nyimu kan, ango likame aude kede raco moro i kom kope kame wun ipidenu iye.

Luka 23:5

Do gin kiko cerededo kitek di kiwaco be, “Lono tie rubo wi jo dedede me Yudea kede pwony mere. En ecako ki Galilaya nan do etuno kede kiton kan da.”

Yokana 18:29

Pilato oko donyo ooko but gi, di eko waco ne gi be, “Kop nyo kame itienu pido iye dano ni?”

Yokana 18:30

Gin kiko dwoko ne be, “Koto oudo dano ni likame obedo ngatim tim areco, koto wan likame okele buti.”

Yokana 19:12

Man oko mino Pilato omoo epone me gonyo Yesu, do Iyudayan oko lelemo be, “Ka in igonyo icuo ni, udo likame in ngawot Kaisari; pien ngat acelacel kame waco be en ebedo abaka udo piemo kede Kaisari.”

Tice 24:13

Doko da likame kitwero nyuto ni be, gikame gin kipida iye tie me ateni.

Tice 24:5

Wan otieko udo be icuo ni tie kede elol, doko tic mere en cako arubaruba i dier Iyudayan i piny lung. En ebedo ngatel me ekodet moro me jo me Nasaret.

Joroma 13:7

Culunu gin dedede gikame ipoorenu pi culo ne ngat acelacel; gelunu esolo but jo kame kopoore culo esolo but gi, culunu esolo me jame ne jo kame kopoore culo ne gi, worunu ngat kame poore awora.