Luka 21:1 - Baibuli I Leb Kumam 2013

¹ Yesu bin oko tingo wange di eko neno jo ka obaro di tie keto giamia gi i adita me irabu me tempulo;

Luka 21:1 Iomraidhean Croise

1 Abakai 14:26

En eko tero abar dedede me tempulo kede me paco ka abaka. Doko da eko tero ibukui dedede kame Sulumani oudo otimo kede Saabu.

2 Abakai 12:9

Di Yekoyada oko kwanyo sanduku, eko tuco karamoro atitidi i wie, di eko keto sanduku nono i nget alutari, i bad tetu cam kame dano tie donyo i tempulo. Ngasaseredoti koudo tie i wang tic oudo poore tero i sanduku nono sente dedede kame jo ooto i tempulo otero.

2 Abakai 24:13

Nebukadunesa bin oko tero jamini dedede me ot ka Rwot kede me ot ka abaka. En etotongo i adulion atitino jamini dedede me saabu kame oudo kotio kede i tempulo ka Rwot, jamini kame bin Abaka Sulumani me Isirael otimo. En etimo manoni bala kame Rwot oudo owaco sek.

2 Iyutun 36:18

Abaka me Babilon oko yako jamini dedede kame bin kotio kede i tempulo, jamini adongodongo kede atitino, lim me tempulo, kede abar me abaka kede me jodongo me tice mege, di en eko tero gi dedede Babilon.

Nekemia 13:13

Ango bin ako keto jogi pi bedo jo kame gwoko jamini i agolai nogo: ngasaseredoti Selemia, Sadoki ngat kosomo iswil twatwal, kede Ngalebi Pedaya. Di ako keto Kanan wot ka Sakur, akwar Matania pi bedo ngat kame konyo gi. Jo nogi bin oudo jo ngeo gi be kigenere. Tic gin oudo en me poko jamini ne Jolebi wad gi.

Matayo 27:6

Jodongo me josaseredoti oko depo sente ka di kiwaco be, “Iswil likame yei ne wa keto magi i isau kame okano iye sente me tempulo, pien gin kibedo sente kame koonyo kede remo.”

Luka 20:47

Gin jo kame camo jame me apuserun, di kilego ilega aboco me ecuke. Rubanga bino ngolo ne gi kop adwong kalamo.”

Yokana 8:20

En ewaco kope nogi di oudo etie pwony i agola me kano lim i tempulo; do likame ngatamoro oko make, pien esawa mere oudo pwodi likame otuno.

Yosua 6:19

Gi dedede kame kocweo kede siliba, saabu, kede buronsi kede ayon kobino poko gi kibedo gikame komio but Rwot, kobino keto gi i isau me kano lim ka Rwot.”

Yosua 6:24

Di do isirikalen me Isirael oko wango bomba nono dopodop karacel kede gi dedede koudo tie iye. Kenekene kiko weko siliba, saabu, kede jamini kame kocweo kede buronsi kede ayon, di kiko tero gi kiketo gi i isau me kano lim i ot ka Rwot.