Luka 2:11 - Baibuli I Leb Kumam 2013

¹¹ pien tin konywalo ne wu Ngalak i Bomba ka Daudi, en Kirisito Rwot.

Luka 2:11 Iomraidhean Croise

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

Ageini 49:10

Ebela me pug likame bino yai tenge kibut Yuda; ebela me ajakanut likame bino yai tenge ki dierediere me tiene, kiton tuno di kokelo ne esolo; di atekerin ko donyo mine wor.

Sabuli 2:2

Abakai me wi lobo otieko cungo kiteere, jopug mege tie poro kop karacel i kom Rwot kede i kom dano mere kame en eyero, di kiwaco be,

Isaya 9:6

Konywalo ne wa atin, komio wa atin awobi! En ebino bedo ngapug wa! Kobino lwonge be, “Ngamini tam me Aura, Rubanga Won Twer, Papa kame bedo Nakanaka, Ngapug akelo Mulem.”

Matayo 1:16

Yakobo oko nywalo Yosepu cwar Maria, kame oko nywalo Yesu kame kolwongo be Kirisito.

Matayo 1:21

En ebino nywalo atin awobi di iko cako nyinge Yesu, piento en ebino lako jo ki dub gi.”

Matayo 16:16

Simoni Petero oko dwoko be, “In en Kirisito, Wot ka Rubanga kakuo.”

Matayo 16:20

Di do en eko ciko josiao mege kitek be kur kiwac ne ngatamoro be en ebedo Kirisito.

Luka 1:43

Nyo ber komio gini otimere nango, komio toto me Rwot na obino welao ango?

Luka 1:69

En etieko woto ne wa Ngalak kame tie kede twer, ki ot ka ngatic mere Daudi.

Luka 2:26

Doko Tipo Kacil oudo otieko mine ngeno be, likame ebino to tuno kede di eneno Kirisito ka Rwot.

Luka 2:4

Yosepu da oko yai ki bomba me Nasaret kame tie i piny me Galilaya, en eko ot i Bomba ka Daudi kame kolwongo be Betelem, kame tie i piny me Yudea, en kakame oudo bin konywalo iye Abaka Daudi. En bin eoto kuno pien oudo eda ebedo akwar Daudi.

Yokana 1:41

Me agege, en egeo udo omin mere Simoni, di eko waco ne be, “Wan otieko udo Mesia” (kame dwong mere be Kirisito).

Yokana 1:45

Pilipo oko udo Natanael di eko waco ne be, “Wan otieko udo ngat kame bin Musa owandiko kop i kome i itabu me Iswil, kede kame inabin da owandiko kop i kome, en Yesu me Nasaret, wot ka Yosepu.”

Yokana 11:27

Marita oko dwoko be, “Ebo Rwot, ango ayei be in en kame Kirisito, Wot ka Rubanga, kame oudo poore bino i piny.”

Yokana 20:31

Do kowandiko magi tetekeny iyeunu be Yesu en Kirisito, Wot ka Rubanga, kede da be wek iudunu kuo i nyinge pi yei kame itienu kede i kome.

Yokana 4:25

Dako nono oko dwoko ne be, “Ango angeo be Mesia tie bino” (en ngat kame kolwongo be Kirisito). “Ka en etuno, ebino nyuto ne wa gi dedede.”

Yokana 4:42

Gin kiko waco ne dako nono be, “Likame wan oyei pi yamo nin, do pien wan ikom wa otieko winyo, doko ongeo be ateteni man en Ngalak me piny.”

Yokana 6:69

doko wan otieko yei di oko ngeno da be in en Ngat Kacil ka Rubanga.”

Yokana 7:41

Jo mogo oko waco be, “Man en Kirisito.” Do jo mogo oko waco be, “Kirisito likame bino wok ki Galilaya.

Tice 10:36

Wun ingeunu kop kame riki en ecwao ne jo me Isirael, en Kop Aber me mulem, kame bin Yesu Kirisito, ngat kame obedo Rwot kame lo jo dedede en kokelo.

Tice 13:23

Kikom ikwae ka Daudi noni, Rubanga oko yero ne jo me Isirael Ngalak, en Yesu, bala kite kame oudo ecikere kede.

Tice 17:3

En oudo egonyo ne gi dwong kop me iwandik kacil, di enyuto ne gi be Kirisito oudo miero nen can di eko yaruno kikom jo oto. Doko ewaco be, “Yesu kame ango apwonyo wu kop i kome noni en kame obedo Kirisito.”

Tice 2:36

“Pi mano, jo dedede me Isirael poore ngei ateteni be, Yesu noni, kame wun bin igurunu i musalaba, Rubanga otieko mine edoko Rwot kede Kirisito.”

Tice 5:31

Rubanga oko tinge malo oko kete i bade tetu cam, bala Ngapug, kede Ngalak, tetekeny idwe me Isirael ud winyo me swilaro kede kiud isasir ki dub gi.

1 Jokorinti 15:47

Dano me agege owok ki lobo, otime kede apua; dano me are owok ki malo.

Jopilipi 2:11

kede leb jo dedede tuco be Yesu Kirisito en Rwot, pi mino Rubanga Papa deyo.

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

Jokolosai 2:6

Pi mano, bala kite kame igamunu kede Rwot Kirisito Yesu, aso bedunu i en.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.