Jo kame lamo ni winyo ango abino mino gi winyo, kede ngat kame lami kirac ango da abino lame kirac; doko atekerin dedede me wi lobo kobino mino winyo pi in.”
Okwe wun jo me Yerusalem, yitunu i wi moru kame bor malo di ikounu tatamo kop aber! Wun jo me Sion, lelemunu kede dwan amalo; tucunu kop aber! Yamunu abongo lworo. Wacunu ne jo me bomban me Yuda be Rubanga gi tie bino!
Rwot oko waco be, “Ngatic na, ango atie mini tic atek. Likame ibino kenekene dwoko bero ne jo me Isirael kame pwodi odong kuo, do ango abino da mini ibedo lero but atekerin, tetekeny in iter alako na i wi lobo lung.”
Neno ngaor kame bino ki wi mori kede kop aber me mulem tin mit benyo! En ngat kame ekelo kop aber me alako, ngat kame waco ne jo me Sion be, “Rubanga wu en abaka!”
Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.
En ewaco na be, “Kur ibed kede lworo, Rubanga mari twatwal, likame tie gimoro arac koyaro timere ni. Bed kede teko kede cuny anwang.” Kakame en eyamo na kede kamano, ango ako udo teko di ako waco be, “Adwong na, yam do gikame imito waco, pien nataman itieko mina teko.”
Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.
Do Malaika nono oko waco ne be, “Sakaria, kur ilwori, Rubanga otieko winyo kwac ni, Alisabeti dako ni oyaro nywalo ni atin awobi, di iko cako nyinge Yokana.
Oyotoyot ingei mano Yesu oko donyo ririmo bomban kede calere, di etuco Kop Aber kame ekelo, kame mako Ajakanut ka Rubanga. Josiao mege tomon kiwie are da oudo tie upere kede,
Bed bala ango abedo dano me ajikini kalikame pire tek kikom jokacil dedede, do Rubanga oko mina kisa noni, pi kelo ne jo kalikame Iyudayan Kop Aber i kom abar kalikame wacere ka Kirisito,
Ipoorenu meede i yei, di icungunu di itekunu iye abongo yangere, abongo yai tenge ki gen kame wok ki ejiri kame wun itiekunu winyo, kame kotieko tuco ne giacwea dedede kame tie i piny. Ango Paulo atieko doko ngatic me ejiri noni.