Luka 2:1 - Baibuli I Leb Kumam 2013

¹ I kare no Kaisari Agusito oudo owoto iswil be poore wandiko nying jo dedede kame tie i piny kame en epugo.

Luka 2:1 Iomraidhean Croise

Esita 10:1

Abaka Sereses bin oko mino jo kame bedo i piny mere dedede kiton jo kame bin tie bedo i dog name timo tic tetek.

Matayo 22:17

Nan do wac ne wa tam nin; benyo, iswil yei ne wa culo esolo but Kaisari arabo li?”

Matayo 24:14

Koyaro bino tuco ejiri noni me Ajakanut ka Rubanga i piny lung, bala gi me ijura ne atekerin dedede; di do ajikini me piny ko bino tuno.

Marako 14:9

Ateteni awaco ne wu be, kabedo dedede kame kobino tuco ejiri iye i wi lobo lung, kobino tatamo gikame dako noni otimo di koyutuno en kede.”

Marako 16:15

En eko waco ne gi be, “Otunu i piny dedede ikounu tuco ejiri ne jo dedede.

Luka 2:3

Di do jo dedede oko ot pi wandiko nying gi, ngat acelacel i bomba me tur gi.

Luka 2:5

En oudo eoto pi wandiko nyinge kede Maria, ngat kame oudo onero pi nyomere kede en. Maria oudo oyac.

Luka 3:1

I mwaka me tomon kiwie kany me apugan ka Kaisari Tiberio, di Pontio Pilato en kame oudo pugo Yudea, di Erode en kame oudo pugo Galilaya, omin mere Pilipo en kame oudo pugo adul me Iturea kede Turakoniti; Lusania en kame oudo pugo Abilene.

Tice 11:28

Ngat acel kikom gi, kame oudo nyinge Agaba oko yai malo, Tipo Kacil oko tele, di eko tuco be kec adwong bino poto i piny lung; man oko timere i kare ka Kulaudio.

Tice 25:11

Aso, ka ango abedo ngat arac di atimo gimoro arac kame poore mino koneka, ango likame ayaro mito be abwot ki to; do ka gikame kitie pida iye tiene li, likame tie ngatamoro kame tie kede twer me jala i cing gi. Ango ajuro pido na but Kaisari.”

Tice 25:21

Do kakame Paulo okwao kede be ber gwoke i otkol di kodaro kede kite kame ngapug adwong bino ngolo kede kop nono, ango di do ako ciko be ber gwoke tuno kede ka ango acwae but Kaisari.”

Joroma 1:8

Ango ageo ber pwono Rubanga na i Yesu Kirisito pi wun dedede, pien jo tie tatamo kop me yei wu i piny lung.

Jopilipi 4:22

Jokacil dedede moto wu, twatwal mere jo me ot ka Kaisari.