Luka 18:3 - Baibuli I Leb Kumam 2013

³ Apuserut moro bin tie i bomba nono, kame oudo wire but ngangolkop nono di ebako ne doge be, ‘Okwe konya kede ngat kame ango atie pido kede.’

Luka 18:3 Iomraidhean Croise

Yobu 22:9

In itieko riamo apuserun ooto tenge kede cing gi nono, doko iko tero idwe kic kirac.

Yobu 29:13

Jo kame bin oudo iyapi to oudo lamo nango winyo, doko ango oudo amio cuny apuserun obedo kede kilel.

Isaya 1:17

di ikounu pwonyere timo gikame ber. Nenunu be itimunu gi dedede i yore me ateni di ikounu lako jo kame kotero kirac, kede ikounu gwoko twero me idwe kic, kede ikounu konyo apuserun.”

Yeremia 5:28

di kiko cwe di del me kom gi meny. Tim gi areco likame tie kede ajikini; likame gin kitimo gi me ateni pi konyo idwe kic, doko da likame kigwoko twero me jocan.

Matayo 5:25

“Por kop susunyo kede dano kame mito pidi di pwodi itienu i yongayo, tetekeny kur eteri but ngangolkop, di ngangolkop ko mini i cing sirikale di oko bino tweni i otkol.

Luka 18:2

En ewaco ne gi be, “Bin tie i bomba moro ngangolkop kalikame woro Rubanga, doko di likame eparo pi dano moro da.

Luka 18:4

Pi kare moro, ngangolkop nono oudo dagi winyo kop me apuserut nono; do i cen mere, en eko do yamo i cunye kene be, ‘Bed bala ango likame alworo Rubanga arabo aparo pi dano moro,

Luka 18:5

do pi kite kame apuserut ni ocobuno ango kede, abino konye i pido mere. Pien ka li, wire mere buta bino oola.’ ”

Iswilia 27:19

“ ‘Ilam ka Rubanga mak dano kame tie kede tim kalikame poore but jokumbor, idwe kic, kede apuserun.’ “Jo dedede ko bino dwoko be, ‘Amen!’