Luka 17:3 - Baibuli I Leb Kumam 2013

³ Pi mano, gwokerenu! “Ka omini odubo, ronkino en, doko ka eswilaro, sasiro en.

Luka 17:3 Iomraidhean Croise

Sabuli 141:5

Wek dano kopoore bitaro ango; Mi jo agenere riea. Kur iwek jo areco wir wia kede mo gi, pien ango alego nakanaka ilega me dagi tim gi areco.

Yai 34:12

Gwokerenu kur itimunu isikan moro kede jo me piny kame itienu ot iye, pien ekaruno doko ne wu bala owic me ciko wu.

Agole 17:10

Kame kocoro dano atie kede niang tien acel, en epwonyere kalamo ngamingo kame kobungo tien tol acel.

Agole 27:5

Ngat kame bunano in i wangi ber kalamo ngat kalikame nyuto ni amara mere.

Agole 9:8

Kame ibunano ngacaipiny, en elokere dagi; do ka ibunano ngat ariek, en ebino mari.

Jolebi 19:17

“Kur idingerenu kede wade wu, do wacenu gi raco gi i nyim gi, ka li, wuda ibinunu bedo kede raco.

Matayo 18:21

Petero oko nyiko but Yesu di eko penye be, “Rwot, ka omina otimo na dub, apoore sasiro en tien adi? Benyo, tien kanyaare?”

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

Joepeso 5:15

Pi mano, gwokerenu iepone kame ibedunu kede, kur ibedunu bala jo kalikame riek, do bedunu bala jo kame tie kede rieko,

Iswilia 4:15

“Bala kame wun bin likame ikounu neno kede Rwot i kare kame en bin eyamo kede wu ki mac i moru me Sinai, mito igwokerenu twatwal,

Iswilia 4:23

Aso, gwokerenu kur wi wu wil kede isikan kame Rwot Rubanga wu bin otimo kede wu, doko kur itimunu cal me gimoroni kame Rwot Rubanga wu otieko gengo wu iye.

Iswilia 4:9

Do nenunu be igwokerenu twatwal, tetekeny kur imiunu wi wu wil kede gikame wun inenunu kede wangu, doko kur imiunu gi kiyai ki cunyu pi kare me kuo wu lung. Tatamunu gi but idwe wu kede but ikwae wu,

Iburanian 12:15

Poore inenunu be likame tie ngatamoro kame okei udo kisa ka Rubanga, doko kur ngatamoro bed bala yat kame alias mere kec, kame ka edongo ekelo peko di eko munao jo atot.

Yakobo 5:19

Imiegu kede amiegu na, kame ngatamoro kikom wu oparao tenge ki kop me ateni, di dano ace oko dwoke,

2 Yokana 1:8

Gwokerenu tetekeny kur ikeunu gikame itiekunu timo tic pire, do me wek ibin iudunu giamia me pwoc wu lung.