Luka 16:3 - Baibuli I Leb Kumam 2013

³ Di ngagwok jame nono oko waco i cunye kene be, ‘Nan do abino timo benyo, bala kame nan ngadwong na tie kwanya kede ki tic? Ango ali kede teko me pur, doko lewic maka kwac.

Luka 16:3 Iomraidhean Croise

Esita 6:6

Aso, Kaman bin oko donyo i ot di abaka oko penye be, “Nyo kame kobino timo ne dano kame cuny abaka mito mino wor?” Kaman oko waco i cunye kene be, “Ngai kame cuny abaka romo mito mino wor apat kede ango?”

Agole 13:4

Dano anyap cunye twero mito gimoro kede teko dedede, do en likame ebino udo. Do dano atek tic udo gi dedede kame cunye mito.

Agole 15:19

Jo anyap riamo kede peko atot i kuo gi, do jo kame ekite gi cil kuo gi yot ayota.

Agole 18:9

Dano anyap rac rom aroma kede dano kame dudubo jamini adudub.

Agole 19:15

Nyapo kelo nino atek; dano ajajalun bedo kede kec.

Agole 20:4

Nganyapo likame puro poto mere i kare me ikwar; kare me kac tuno udo en eli kede gimoro.

Agole 29:21

Ka in ibedo mino epasoit ni jamini dedede kame en emito cako di en pwodi atin, ceng moro acel en ebino mano jamini nin dedede di kiko bino doko mege.

Isaya 10:3

Nyo kame ibinunu timo i ceng kame Rubanga bino mino wu kede alola? Nyo kame ibinunu timo kame en ekelo can i komu ki piny abor? Ibinunu ringo but ngai pi konyo wu? Doko da ibinunu weko abar wu ne ngai?

Yeremia 5:31

Inabin murao kope me abe; josaseredoti pugo bala kame inabin ciko negi; jo na da mito be ebed timere kamanono. Do ibinunu timo benyo ka magonogo ojik?”

Kosea 9:5

Nyo kame gin kibino timo i ceng kame komoko me ebaga, kede i ceng me ebaga ka Rwot?

Matayo 20:8

“Di do otieno otuno, won poto oko waco ne ngat kame telo wi jotic be, ‘Lwong jotic iko gelo gi, igei kede jo kame komio tic i cen tuno kede but jo kame kogeo mino tic.’

Marako 10:46

Gin kiko tuno Jeriko. Esawa kame Yesu kede josiao mege oudo tie yai kede ki Jeriko karacel kede ekodet adwong me jo, emuduk moro kame oudo maro kwac kame nyinge Batulumayo wot ka Timayo oudo tie bedo i nget yongayo.

Luka 12:17

en eko donyo do paro i cunye kene be, ‘Abino timo benyo? Pien likame tie karamoro kame aromo keto iye cam na gi dedede.’

Luka 16:2

En eko lwonge di eko penye be, ‘Nyo ine kame ango awinyo jo tie yamo i komi? Nyut na epone kame in itie gwoko kede jame na, pien in likame bobo itwero meede bedo ngagwok jame nango.’

Luka 16:20

Oudo tie icuo ngacan moro kame nyinge Lasaro, kame buge oudo otatapo i kome. En oudo esingo buto i dog erute me ngabar nono.

Luka 16:22

“Ngacan nono oko to di imalaikan oko tere okete i kor Aburaam. Ngabar nono da bin oko to, di oko yike.

Luka 16:4

Nan ango atieko ngeno gikame abino timo tetekeny kame kokwanya ki tic, jo bino gama i miere gi.’

Luka 18:4

Pi kare moro, ngangolkop nono oudo dagi winyo kop me apuserut nono; do i cen mere, en eko do yamo i cunye kene be, ‘Bed bala ango likame alworo Rubanga arabo aparo pi dano moro,

Yokana 9:8

Jokio kede jo apat kame oudo onene lem sek bala ngakwac oko waco be, “Mam icuo kame lem nare bedo di ekware ine?”

Tice 3:2

Bin tie icuo moro kongwalo cako nywale, kame oudo kotie tingo. En oudo jo tinge ceng dedede di kiko kete i dog erute me tempulo, kame bin kolwongo be Erute Acil, pi kwano sente kibut jo kame donyo i tempulo.

Tice 9:6

do yai malo di iko ot donyo i bomba, oko bino yamo ni gikame ipoore timo.”

2 Jotesalonika 3:11

Pien wan nan owinyo be jo mogo kikom wu tie bedo abeda, gin jo kame totolo tice me jo apat abongo gin timo tic moro.