Luka 13:8 - Baibuli I Leb Kumam 2013

⁸ Do ngatic me poto nono oko dwoko ne be, ‘Adwong, likame kamano, weke ber bobo ebed pi mwaka ni do kenekene, ango ber kong abok lobo mogo i dude kede aony bolia moro i dude.

Luka 13:8 Iomraidhean Croise

Sabuli 106:23

Omio en eko waco be koto emuducaro gi, do Musa ngat kame oudo obedo dano kame en eyero oko galao en, di eko gengo gero ka Rubanga tetekeny kur emuducaro gi.

Yai 34:9

En ewaco be, “Okwe Rwot, ka ateteni in cunyi yom i koma, ango akwai iupere kede wa. Akadi bed bala jogi jongut gi, do in sasiro gikareco wa kede dub wa, di iko gamo wan obed jo ni.”

Yeremia 15:1

Rwot oko waco na be, “Akadi koto di oudo Musa kede Samuel obino kan cungo i nyima kwana, koto likame ango abedo kede kisa i kom jogi. Cwai gi tenge ki nyima, mi gi kioti.

Yeremia 18:20

Benyo, gikaber koculo kede gikarac? Aso di gin kitieko kunyo na bur be apot iye. Kong yutuno kite kame ango abako kede doga i nyimi pirgi, tetekeny ikwany lilo ni tenge kibut gi.

Yoweri 2:17

Josaseredoti jotic ka Rwot poore leg di kikok, i dierediere me alutari kede kakame kodonyo kede i tempulo be, “Okwe Rwot, bed kede cuny me kisa i kom jo ni. Kur imi jo ni kame maki dok gime acae, kede me anyera i diere me atekerin apat. Pinyo kame mio atekerin apat poore waco be, ‘Rubanga gin kara tie tuai?’ ”

Luka 13:7

En eko waco ne ngatic me poto mere nono be, ‘Neningo, oromo nan mwakini adek di ango abino mono anyakini ki yat epigi no, do likame audo moro. Nan do tonge piny; pinyo komio edong dubo lobo.’

Luka 13:9

Ka en eko nyak mwaka no, udo ber; do ka li, iko bino do tonge piny.’ ”

Luka 14:35

En do udo likame bobo eber akadi ne lobo da, akadi me aketa i atukit me bolia; do en do kobwote obar. Ngat kame tie kede yite, wek ewinyi.”

Joroma 10:1

Imiegu kede amiegu na, gikame cunya mito kede kame akwao Rubanga iye pi jo me Isirael en ine be, wek kiud alako.

Joroma 11:14

amio tic na dwongo tetekeny nyeko mak Iyudayan wad wa, di ako bino mino mogo kibut gi udo alako.

2 Petero 3:9

Rwot likame ogal kede cobo cikere mere bala kite kame jo mogo tamo kede, do en etie pwodi dire piru, pien likame emito be ngatamoro toi, do emito be jo dedede swilaro.