Luka 12:4 - Baibuli I Leb Kumam 2013

⁴ “Jowota, awaco ne wu be, kur ibedunu kede lworo i kom jo kame neko kom, di likame kiko twero doko timo gimoro ingei mano.

Luka 12:4 Iomraidhean Croise

Matayo 10:28

Kur ilworunu jo kame neko kom dano do di likame kiko karuno neko tipo mere. Do lworunu ngat kame neko kom dano karacel kede tipo mere i mac kalikame to.

Yeremia 1:8

Kur ibed kede lworo but gi, do ango abino bedo tie kedi pi gwoki. Ango Rwot en awaco!”

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Jopilipi 1:28

doko di likame jokwor wu kelo ne wu lworo. Man tie gikame nyuto kakaler be gin kibino rwenyo, do wun ibinunu udo alako. Man Rubanga en kame bino timo.

1 Petero 3:14

Do akadi bed bala itienu neno can pi timo gikame opoore, kobino mino wu winyo. Kur ilworunu gi, doko da kur cunyu poti.

Yakobo 2:23

Man oko mino iwandik kacil ocobere, kame waco be, “Aburaam oyei Rubanga di oko tero be epoore.” Manoni oko mino kolwonge be adieru me Rubanga.

Tice 20:24

Do ango likame atero kuo na bala gikame tie kede kony, arabo gikame pire dwong kibuta, kwanyo kenekene ka koto ango angetakino tic kame Rwot Yesu bin omia, me tuco ejiri me kisa ka Rubanga.

Esekeri 2:6

“Do in wot ka dano, kur ilwor gi, doko kur ilwor kope kame gin kiwaco, bed bala ebino bedo ni ineno bala okuto kede ocokocok oluki, kede bala itie i diere me ekilitona; kur ilwor kope gi, doko kur cunyi nyote pi ekite me neeno gi, pien gin kibedo jojemo.

Tice 4:13

Kakame kineno kede nwangcuny ka Petero kede Yokana, kede bobo di oudo kiniang be gin kibedo jo atatai kalikame osomo, kiko uro; di kiko ngeno be Petero kede Yokana oudo obedo kede Yesu.

Yeremia 1:17

Do in Yeremia, iikere cuto me ot i wang tic; oti iwace gi kope dedede kame ango aciko ni pi waco. Kur nan imi cunyi poti pi gin, aso ka li ango abino mini ibedo kede lworo akalamo i nyim gi.

Isaya 41:8

“Do wun, jo me Isirael, jotic na, wun en jo kame ango atieko yero, wun ikwae ka Aburaam, adieruna.

Wer amit 5:1

Ango atieko donyo i poto na, amina, ateran na. Atie coko mura na kede yen angwe kur; atie camo mokic na kede apien mere; atie mato bwini na kede cak. Camunu, wun adiereson, matunu tuno wun mer kede amara.

Wer amit 5:16

Noto doge mit gi dedede me kuo mere ber nango. Mon me Yerusalem Manoni en opa nango kede adiera.

Agole 29:25

Bedo kede lworo tie ne dano bala owic, do ngat kame keto gen mere i kom Rwot bedo mulem.

Yeremia 41:18

pi lworo jo me Babilon, pien Isimael oudo oneko Gedalia, ngat kame abaka me Babilon oudo oketo pi bedo ngapug me lobo me Yuda.

Yokana 15:13

Likame tie amara kame dano moro tie kede kame dwong kalamo man, kame dano yei jalo kede kuo mere pi jowote.