Luka 11:4 - Baibuli I Leb Kumam 2013

⁴ Sasiro wa ki dub wa, bala kame wada osasiro kede jo dedede kame timo ne wa kirac. Kur iwek wa opot i atama.’ ”

Luka 11:4 Iomraidhean Croise

Ageini 48:16

malaika kame otieko laka ki gikareco dedede, mi awobe nogi winyo; di nyinga, kede nying joakwari na Aburaam kede Isaka ko bino meede kibut gin. Akwai imi gin kinyai kidok ekodet me jo i wi lobo.”

1 Abakai 8:34

winy kwac gi i malo. Sasiro dub ka jo ni me Isirael, di iko bobo dwoko gi i lobo kame bin in imio joakwari gi.

1 Abakai 8:36

tim ber iwiny kwac gi i malo. Sasiro dub ka jotic ni, jo me Isirael. Pwony gi yongayo me kuo aber kame poore kilubi, di iko mino kot cwei i lobo noni kame in itieko mino jo ni pi doko mergi.

Sabuli 121:7

Rwot bino gwoki ki raco dedede, en ebino gwoko kuo ni.

Sabuli 25:11

Pi ber nyingi, Okwe Rwot, sasiro raco na pien edwong twatwal.

Sabuli 25:18

Tam pi can kame atie neno kede peko na, di iko sasiro dub na.

Danieri 9:19

Okwe Rwot winy wa. Rwot sasiro wa. Rwot winy wa di iko timo gikame mitere abongo gal, pien bomba ni kede jo ni kolwongo kede nyingi.”

Kosea 14:2

Dokunu but Rwot di ikounu lego be, “Sasiro dub wa dedede di iko gamo ilega wa, di wan oko bino mini giayala me pak.

Matayo 18:35

Aso, manono da en gikame Papa na me i malo bino timo ne dano acelacel kibutu, ka likame isasiro dano wadu i cunyi.”

Matayo 26:41

Bedunu di ineenunu kede di ilegunu tetekeny kur ipotunu i atama. Cuny mito, do kom nyap.”

Luka 11:5

Yesu oko waco ne josiao mege be, “Ka koto itie kede ngawoti di iko yai ot bute i dier iwor, di iko waco ne be, ‘Diera, akwai ber imia mugati adek,

Luka 13:4

Arabo jo tomon kiwie kanyauni kame bin gedo abor malo me Siloam opoto i kom gi oko neko gi; iparunu be mano bin otimere pien gin do oudo kibedo jodubo areco kalamo jo dedede kame bin bedo Yerusalem?

Luka 22:46

En eko waco ne gi be, “Pinyo komio itienu nino? Yaunu ilegunu, me wek kur ipotunu i atama.”

Luka 8:13

Kodi kopopoto i lobo kame obedo lela lela cungo pi jo kame ka kiwinyo kop ka Rubanga, kigamo kede kilel; do kop nono likame ko keto aliasin i kuo gi, mio gi kiyei pi kare acecek, do kame atama moro obino, kiko poto ki yei gi.

Yokana 17:15

Ango likame akwao be ikwany gi ki piny, do be igwok gi kibut Ngarac.

1 Jokorinti 10:13

Likame tie atama moro kame in ibeo iye kame jo apat likame pwodi obeo iye. Rubanga genere, doko likame ebino jali i atama kame bwono teko ni. Do i kare me atama en ebino mini teko me kanyakino di iko udo yongayo me bwot.

Jokolosai 3:13

Kanyakinunu kede dano acelacel, doko ka ngatamoro tie kede kop moro arac kede dano ocelu, ngat acelacel poore sasiro dano ocelu; bala kame Rwot osasiro wu kede, wuda ipoorenu sasiro jo icegun.

2 Jotesalonika 3:3

Do Rwot genere, en ebino mino cunyu teko di eko gwoko wu kibut Ngarac.

2 Temeseo 4:18

Rwot bino laka ki raco dedede di eko gwoka tuno i Ajakanut mere me malo. Deyo bed bute ikar kede ikar. Amen.

Yakobo 2:13

Pien Rubanga bino ngolo kop abongo cuny me kisa ne ngat kalikame nyuto ne jo apat cuny me kisa; do cuny me kisa dwong kalamo ngolo kop.

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 3:10

Pi kite kame ilubunu kede kop na me dire kanyakino, ango abino gwoko wu i kare me atama kame oyaro bino i piny lung, pi tamo jo kame bedo i wi lobo.