Luka 11:2 - Baibuli I Leb Kumam 2013

² En eko waco ne gi be, “Kame itienu ilega, wacunu be, “‘Papa, nyingi bed me awora. Wek Ajakanut ni bin.

Luka 11:2 Iomraidhean Croise

1 Abakai 8:43

tim ber iwiny kwac mere i malo kabedo ni. Tim ne gikame en ekwai pire, tetekeny jo dedede me wi lobo ngei di gin kiko bedo kede lworo buti, bala jo ni me Isirael. Di do gin kiko bino ngeno be ot noni kame ango atieko gero obedo meri.

2 Abakai 19:19

Aso nataman, Okwe Rwot Rubanga wa, lak wa ki cinge, tetekeny atekerin dedede me wi lobo ngei be in keni en ibedo Rwot Rubanga.”

2 Iyutun 20:6

di eko lego be, “Okwe Rwot, Rubanga ka joakwari wa, in Rubanga kame tie malo, in ipugo ajakanuto me atekerin dedede. In itie kede teko kede twer kame ngatamoro likame sobolo aruno.

Sabuli 103:20

Pakunu Rwot, Okwe wun imalaikan mege, wun wegi twer kame timo gikame en eciko, kede kame lubo kop kame en ewaco.

Sabuli 108:5

Nyut dwongo ni i malo, Okwe Rubanga, doko mi deyo ni rom wi lobo lung.

Sabuli 11:4

Rwot tie i tempulo mere kacil; kom mere me ajakanut tie i malo. Wange neno jo dedede, en engico gikame gin kitimo.

Sabuli 57:11

Nyut dwongo ni i malo, Okwe Rubanga, mi deyo ni rom wi lobo lung.

Ngarab kop 5:2

Kur iyamo atatai abongo paro kop kame iyamo, doko kur cunyi miel timo cikere but Rubanga. Rubanga tie i malo, do in itie i piny, pi mano, kur idur kop.

Isaya 63:16

In en papa wa. Bed bala joakwari wa Aburaam kede Yakobo kwia wa, do in, Okwe Rwot, ibedo papa wa; cako riki sek in ibedo Ngalak wa.

Esekeri 36:23

Ango abino lonyo nyinga adwong, nying kotieko pwokere i diere me atekerin, di atekerin ko bino ngeno be ango en Rwot. Manono bino timere kame ango anyuto negi kibutu be ango abedo ngat kacil.

Danieri 2:28

Do tie Rubanga atie malo, kame tuco gikame omungere. En etieko tuco nin, abaka, gikame waru bino timere. Aso lek kede gianyuta kame in ineno di oudo itie nino tie kaman:

Danieri 2:44

I kare me apugan nogo Rubanga me malo bino cibo ajakanut kalikame kobino jiko, doko da likame jo apat bino puge. En ebino tuturo ajakanuto nogo, di en eko bedo tie nakanaka.

Danieri 7:18

Di jo ka Ngamalo Twal ko bino gamo ajakanut di kiko dong kede pi ikar kede ikar.”

Danieri 7:27

Twer me pug, loc, kede dwongo me ajakanuto dedede me wi lobo kobino mino but jo ka Rubanga Ngamalo Twal. Ajakanut gi bino bedo nakanaka, doko wegi loc dedede me wi lobo bino tic negi di mio gi wor.”

Kosea 14:2

Dokunu but Rwot di ikounu lego be, “Sasiro dub wa dedede di iko gamo ilega wa, di wan oko bino mini giayala me pak.

Jolebi 10:3

Di Musa oko waco ne Aaron be, “Manoni en dwong me gikame Rwot oudo owaco kakame ewaco kede be, ‘Jo kame timo na tic poore bedo kede wor buta bala ngat kacil; jo dedede bino mina deyo.’ ” Do Aaron oko ling alinga.

Jolebi 22:23

Twon arabo oromo moro kame tiene bocoboco twatwal, arabo kame tiene cegocego twatwal wun ikarununu mino gi bala giayala me bercuny; do ka pi cobo kwongere, ango Rwot likame abino game.

Abakuk 2:14

Do lobo bino pong kede ngec i kom deyo ka Rwot, bala kame pii opongo kede nam adwong.

Matayo 10:32

“Ngat acelacel kame tuco be en eyei ango i nyim jo, ada abino tuco be angeo en i nyim Papa na kame tie i malo,

Matayo 3:2

“Swilarunu, pien Ajakanut me malo odoko iyapiyapi.”

Matayo 5:16

Iepone nono da miunu lero wu rieny ne jo dedede, tetekeny kinen tice wu kabeco di kiko pako Papa wu kame tie i malo.

Luka 11:1

Ceng moro acel Yesu oudo tie lego i karamoro. Kakame etieko kede lego, ngat acel kikom josiao mege oko waco ne be, “Rwot, pwony wa epone kame opoore lego kede, bala kite kame bin Yokana da opwonyo kede josiao mege.”

Joroma 1:7

Butun jo dedede kame Rubanga maro, wun jo kame itienu Roma, jo kame kolwongo pi bedo jokacil, wek Rubanga Papa kede Rwot wa Yesu Kirisito mi wu kisa kede mulem.

Joroma 8:15

Pien likame igamunu Tipo kame loko wu idokunu ipasoi di eko mino wu bedo kede lworo, do igamunu Tipo kame mio wu ibedunu idwe ka Rubanga. Kame okokunu but Rubanga be, “Aba! Papa!”

1 Jokorinti 1:3

Kisa kede mulem kame yai kibut Rubanga Papa wa kede Rwot wa Yesu Kirisito bed kede wu.

2 Jokorinti 1:2

Kisa kede mulem kame wok kibut Rubanga Papa wa kede Rwot Yesu Kirisito bed butu.

Jogalatia 1:4

Kirisito ojalere pi dub wa, pi lako wa ki kare kanataman me dub noni, di lubere kede mit ka Rubanga wa, en Papa wa.

Joepeso 1:2

Kisa kede mulem kame yai kibut Rubanga Papa wa kede Rwot Yesu Kirisito bed butu.

Jopilipi 1:2

Kisa kede mulem kame wok kibut Rubanga Papa wa kede Rwot wa Yesu Kirisito bed butu.

Jopilipi 4:20

Deyo bed but Rubanga Papa wa ikar kede ikar. Amen.

Jokolosai 1:2

But jokacil kede imiegu kede amiegu kame genere i Kirisito, kame tie Kolosai. Kisa kede mulem ka Rubanga Papa wa bed butu.

1 Jotesalonika 1:1

Baluwa kowok kibut Paulo, Sila kede Temeseo. But jokirisito kame tie Tesalonika, jo kame tie i Rubanga Papa kede i Rwot Yesu Kirisito. Kisa kede mulem ka Rubanga bed butu.

1 Jotesalonika 1:3

Doko i nyim Rubanga ngat kame obedo Papa wa, wan oyutuno tice wu me yei, kede cane wu me amara, kede asipakin me gen wu i Rwot wa Yesu Kirisito.

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

Gianyuta 11:15

Malaika me kanyaare di oko kuto agwara mere, di dwan atot amalo oko winyere di yamo i malo be, “Ajakanut me piny otieko doko me ka Rwot wa kede me ka Kirisito mere, doko en ebino pug ikar kede ikar.”

Gianyuta 15:4

Rwot, ngai kalikame bino lworo nyingi kede mine deyo? Pien in keni en ngat kacil. Atekerin dedede bino bino di kiko wori, pien tice ni me ateni otieko nyutere.”

Gianyuta 19:6

Di ako winyo gikame oudo winyere bala dwan jo atot, bala mor me pii atot kame mol di ony, kede bala mor me kot, di waco be, “Aleluya! Pien Rwot Rubanga wa Won Twer tie i loc.

Gianyuta 20:4

Di ako neno komini me ajakanuto; jo kame bedo i wi gi oudo komio gi twer me ngolo kop. Di ako neno tipere me jo kame oudo kongolo ngut gi pi mino ijura i kom Yesu kede pi kop ka Rubanga. Oudo gin likame kiworo le akadi cal mere, doko da oudo gin likame kiyei keto alama i tur nyim gi amoto i cing gi. Gin kiko dwogo i kuo di kiko pug karacel kede Kirisito pi mwakini tutumia acel.