Luka 10:2 - Baibuli I Leb Kumam 2013

² En eko waco ne gi be, “Kac tie dwong, do jotic nonok; pi mano legunu me wek Rwot won kac cwai jotic i kac mere.

Luka 10:2 Iomraidhean Croise

1 Abakai 18:22

Di Elia oko waco ne jo be, “Ango kena en enabi ka Rwot kodong, do inabin ka Baal tie tol ongwon kede ot kany.

Sabuli 68:11

Rwot bin omio cik, di mon atot oko tero rwonge be,

Yeremia 3:15

“Ango abino mino wu jotel kame cunya oyero; gin kibino telo wu kede rieko kede ngec.

Sakaria 11:17

Okwe ngakwat akony mere li, kame weko romini! Poore epima cob bade kede wange tetu cam! Poore bade twili di wange tetu cam ko to atwal atwala.”

Sakaria 11:5

Jo kame wilo gi neko gi di likame kiko udo alola moro. Jo kame cato gi waco be, ‘Pak bed but Rwot, pien atieko baro!’ Akadi jo kame kwao gi da likame tie kede cuny me kisa i kom gi.”

Wel 11:17

Ango abino bino piny kunono di ako yamo kedi; di ako bino kwanyo twer mogo kame in itie kede di ako mino gin, di do gin kiko bino donyo konyi gwoko jo, tetekeny kur in iute kede gi in keni.

Wel 11:29

Do Musa oko waco ne be, “Benyo, nyeko tie maki keda? Oudo ango amito be koto Rwot omio twer mere but jo dedede tetekeny jo dedede dok inabin!”

Matayo 20:1

“Pien Ajakanut me malo cal bala won poto kame bin odilo yai ot mono jotic pi bino tic i poto mere me olok.

Marako 13:34

Ebino bedo cal bala dano moro kame tie ot i piny abor. Do di pwodi likame eyai, emio jotic mege tic kame ngat acelacel poore timo, di en eko ciko ngadar ekeko pi bedo di wange bit.

Marako 16:15

En eko waco ne gi be, “Otunu i piny dedede ikounu tuco ejiri ne jo dedede.

Marako 16:20

Josiao oko ot di kiko tuco ejiri kabedo dedede di Rwot tio kede gi, doko di i gianena kame bin kitimo en emoko kope kame gin kitatamo. Amen.

Luka 9:1

Yesu oko lwongo josiao mege tomon kiwie are dedede karacel, di en eko mino gi twer kede akarunikin me riamo jwogi dedede kede cango tuwo.

Tice 11:19

Kikano jo kame bin osarakin pi itidil kame oudo otimere i kare kame koneko kede Sitepano oko ot paka Poenisia, Sipuro kede Antiokia; di kitatamo kop i kom Rwot Yesu ne Iyudayan kenekene.

Tice 13:2

Di bin gin kitie timo tic me woro Rwot kede kanyo kec, Tipo Kacil oko waco ne gi be, “Pokunu na Baranaba kede Saulo tenge pi tic kame ango alwongo gi iye.”

Tice 13:4

Kakame Tipo Kacil ooro gi kede, Baranaba kede Saulo oko ot kiko lor Selukia; ki kuno di kiko kwang kioto Sipuro.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 22:21

Di en eko waco na be, ‘Yai ioti, pien ango ayaro cwani kakabor but jo kalikame Iyudayan.’ ”

Tice 8:4

Di do jo koyei Kirisito, gin jo kame bin osarakin, oko donyo ot di kipwonyo kop ka Rubanga.

1 Jokorinti 12:28

Rubanga otieko keto i ekodet me jokirisito, me agege joor, me are inabin, me adek jopwony; di do jo kame timo giaura, di do jo kame cango jotuwo, jo kame konyo jo, jotel tice, kede jo kame yamo i leb anyen.

1 Jokorinti 15:10

Do pi kisa ka Rubanga, ango atie iekite kame nan atie iye noni, doko kisa mere buta likame oko bedo me nono. Pien ango atio kitek kalamo joor icegun dedede, bed bala likame ango en kame oudo atimo, do kisa ka Rubanga kame tie keda en kame oudo timo.

2 Jokorinti 6:1

I tic wa karacel kede Rubanga, wan obako dog wa butu be, kur imiunu kisa kame iudunu kibut Rubanga bed gi me nono.

Jopilipi 2:21

Jo apat dedede paro pi mit gi kenekene do weko mit ka Yesu Kirisito.

Jopilipi 2:25

Ango atamo be ebedo gikaber pi ango cwano butu Epaporodito, ngat kame obedo omina, ngatic wad wa, sirikale wad wa, ngaor wu kede ngat kame okonya i peko na.

Jopilipi 2:30

piento en ebuco to pi tic ka Kirisito, di ecao kuo mere pi tieko timo na tic kame wun do oudo likame itwerunu timo na.

Jokolosai 1:29

Man en komio ango atio di acane kede teko dedede kame Kirisito mia.

Jokolosai 4:12

Epapura, ngat kame obedo dano acel kikom wu, ngatic ka Kirisito Yesu moto wu. En eyutuno wu nakanaka i ilega mere, me wek ibedunu kede yei kocato kede di gen wu likame kwanyere ki kom gikame Rubanga mito.

1 Jotesalonika 2:9

Imiegu kede amiegu na, yutununu tic kame wan otimo, kede cane wa. Wan oudo otio iwor kede iceng me wek kur odii ngatamoro kikom wu kede peko i kare kame otie tuco ne wu kede ejiri ka Rubanga.

1 Jotesalonika 5:12

Wan obako dog wa butu, imiegu kede amiegu, pi bedo kede wor but jo kame tie timo tic i diere wu, di kitelo wu i Rwot kede di kicoro wu.

2 Jotesalonika 3:1

Me ajikini mere, imiegu kede amiegu na, legunu ne wa, tetekeny kop ka Rwot meede sarakin oyotoyot, di jo ko game kede wor bala kame etie timere kede i diere wu.

1 Temeseo 4:10

Pi mano, wan ocane doko otimo tic kitek pien wan otieko keto gen wa i kom Rubanga kakuo, kame obedo Ngalak me jo dedede, do singo twatwal jo kame tie kede yei.

2 Temeseo 4:5

Do in bed di wi tamo, kanyakino can, tim tic me tuco ejiri, cob tic nin.

Epirimoni 1:1

Baluwa kowok kibut Paulo, ngat kame obedo mabus pi Kirisito Yesu, kede kibut omin wa Temeseo. But Epirimoni ngatic ngawot wa kame omaro,

Iburanian 3:6

Do Kirisito genere i tic me lono ot ka Rubanga bala Wode. Wan otienu ode ka omokunu kitek i kom nwangcuny kede i kom ngec aber i kom gen wa.

Gianyuta 2:1

“Wandiko but malaika me ekodet me jokirisito kame tie Epeso be: “Magi en kop me ngat kame mako acerin kanyaare i cinge tetu cam, en ngat kame eoto ki diere me jamini kanyaare me cibo italan, kame kotimo kede saabu.