Luka 1:6 - Baibuli I Leb Kumam 2013

⁶ Gin jo are nogo oudo kibedo jo kopoore i nyim Rubanga, doko da di kilubo cik dedede kede iswilia ka Rubanga kiber abongo raco moro.

Luka 1:6 Iomraidhean Croise

Ageini 17:1

Kakame do Aburam oromo kede mwakini ot kanyangon kiwie kanyangon (99), Rwot bin oko nyutere bute di oko waco ne be, “Ango en Rubanga Won Twer; bed i nyima abongo raco moro.

Ageini 6:9

Man en itatam i kom Nua. Nua oudo obedo dano kopoore, kame oudo likame tie kede raco moro i kare mere; Nua oudo nywako kede Rubanga.

Ageini 7:1

Di Rwot oko waco ne Nua be, “Donyi i yi yee, in karacel kede jo me odi dedede, pien ango atieko neno be in keni en kame ipoore i nyima kikom lwak me kare kanataman.

1 Abakai 15:5

Pien Daudi oudo obedo timo gikame poore i nyim Rwot, di likame eko weko timo gimoro kame en eciko ne pi timo i kare me kuo mere lung, kwanyo kenekene i kop ka Uria Ngakiti.

1 Abakai 9:4

Aso, ka in ibino timo tic na kede genere kede kuo kopoore, bala kame Daudi papa ni bin otimo, di itimo gi dedede kame ango aciko ni, di ilubo pwony kede iswilia na,

2 Abakai 20:3

“Okwe Rwot, ango akwai iyutuno epone kame ango abedo timo kede tic nin kede cunya lung kede genere, doko abedo timo gikame poore i wangi.” Esekia oko kok adikinicel.

2 Iyutun 17:4

En etio ne Rubanga ka papa mere, di eko lubo cik mege, di likame eko bedo kede tim me jo me Isirael.

Yobu 1:1

Bin tie icuo moro anyinge Yobu, kame oudo bedo i lobo me Us. En oudo ebedo dano kame li kede raco moro doko oudo epoore. Oudo elworo Rubanga doko di egwokere likame etimo gimoro arac.

Yobu 1:8

Rwot oko penye be, “Ibedo tie kede tam moro i kom ngatic na Yobu? Likame tie ngatamoro i wi lobo kame cal bala en, dano ali kede raco moro doko di epoore, dano alwora di egwokere likame etimo gimoro arac.”

Yobu 9:2

“Cite ango angeo be manono tie kop me ateni; do dano adana twero lono pido i nyim Rubanga benyo benyo?

Sabuli 119:6

Ka ango aketo cunya lubo cik nin dedede, lewic likame bino maka.

Luka 1:7

Gin oudo likame kitie kede atin moro, pien Alisabeti oudo obedo adonge, doko oudo gin kitii da.

Luka 16:15

Do en eko waco ne gi be, “Wun en jo kame nyutere i nyim jo be ipoorenu, do Rubanga ngeo cunyu; pien gikame jo tero bala gikaber, obedo gikame neno rac i nyim Rubanga.

Luka 2:25

I kare no oudo tie icuo moro Yerusalem kame nyinge Esimioni. En oudo icuo kopoore, kame keto cunye woro Rubanga, kame oudo tie kuro neno epone kame Rubanga bino kweno kede cuny jo me Isirael; en oudo epong kede Tipo Kacil.

Tice 2:25

Pien Daudi oudo owaco kop i kome be, “‘Ango aneno Rwot di etie i nyima nakanaka; en etie i bada tetu cam, tetekeny kur gimoro yayango ango.

Tice 23:1

Paulo oko ngino jo kame oudo tie i kansulo, di eko waco ne gi be, “Imiegu na, ango cunya ngeo kakaler be, ango abedo kede kuo aber i nyim Rubanga tuno tin.”

Tice 24:16

En komio ango nakanaka atamakino kede teko na dedede pi neno i cunya be, ali kede raco moro i nyim Rubanga kede i nyim jo da.

Tice 8:21

In ili kede gikame ipoore timo arabo dul kame kopoko ni i tic wan noni, pien cunyi likame opoore i nyim Rubanga.

Joroma 8:4

Rubanga otimo kaman tetekeny gikame opoore, gikame Iswil mito miero cobere kakare i kom wa, wan jo kalikame obedo i kite me kuo me kom, do obedo bala kame Tipo mito.

1 Jokorinti 11:2

Ango apwoyo wu pien wun nakanaka iyutununu ango i gi dedede, doko ilubunu pwony kame bin komio wu.

2 Jokorinti 1:12

Gikame wan owakere iye en ine be, ngec me cuny wa juro be, epone me kuo wan i piny kan, kede twatwal mere epone kame wan otie bedo kede wu, tie i yore me lero kede ateni kame wok kibut Rubanga, likame kede rieko me lobo kan, do kede kisa ka Rubanga.

Iswilia 5:33

Wun miero ilubunu yongayo kame Rwot Rubanga wu otieko nyuto ne wu, tetekeny ibedunu kuo, di gi dedede ko bino bedo ne wu kiber, kede ikounu tieko kare kalac i lobo kame itienu ot mano di eko doko meru.

Jopilipi 2:15

tetekeny ibedunu abongo gimoro kame koromo bunano wu iye, kede abongo raco moro, idwe ka Rubanga kame li kede dub moro i dier lwak kotieko dubere kede kobilor, lwak kame wun irienyunu i dier gi bala acer kame rieny eko caro piny,

Jokolosai 1:22

do nan Rubanga otieko dwoko wu inywak kede en pi to me kom kame Kirisito obeo iye, tetekeny ekel wu i nyime di itienu jokacil kame li kede raco moro, abongo gimoro kame obunano wu iye i nyime.

1 Jotesalonika 3:13

Doko akwao da be, emi wu tekcuny i kom kop kame mako bedo jokacil, di ikounu bedo abongo raco moro i nyim Rubanga Papa wa i kare me dwogo ka Rwot wa Yesu kede jokacil mege dedede.

2 Petero 3:14

Pi mano, jo na kame amaro, bala kame itienu daro kede gi nogi, ketunu cunyu i kom gi, me wek ud wu di itienu i mulem abongo kakocukukao arabo kakopwokere.

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

1 Yokana 3:7

Idwe na, kur iyeunu ne ngatamoro ngalo wu. Jo dedede kame timo gikame opoore obedo da jo kopoore bala kame en epoore kede.