Jopilipi 4:5 - Baibuli I Leb Kumam 2013

⁵ Wek jo dedede ngei mwolo wu. Rwot otieko doko iyapiyapi.

Jopilipi 4:5 Iomraidhean Croise

Matayo 6:25

“Pi mano, ango awaco ne wu be, kur ibedunu kede par pi gikame ibinunu camo, arabo gikame ibinunu mato pi bedo kuo, amotoko pi gikame ibinunu ngapo. Mam kuo pire tek kalamo cam, doko kom da mam pire tek kalamo giangapa?

Matayo 6:34

“Pi mano, kur iparunu kop me diki, pien diki da bino bedo kede par mege kame make. Wek ceng acelacel bed kede peko mege kame make.

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

1 Jokorinti 16:22

Ka ngatamoro likame maro Rwot, wek ilam make. Rwot wa, bia!

1 Jokorinti 6:7

Bedo kede pido i diere wu kenu kenu nyuto be kop do otieko bwono wu. Pinyo kame mio likame ikanyakinunu raco kame kotimo ne wu? Pinyo kame mio likame ijalunu kokwalo wu?

1 Jokorinti 8:13

Pi mano, ka cam en kame mio gin kipoto, likame abino camo ringo, tetekeny kur ami ngatamoro kikom gi poti.

1 Jokorinti 9:25

Ngaringo acelacel me piem lubo iswilia me ringo. Gin kitimo kamano pi udo ocoro me angosibib kame dubere mere, do wan otimo tic wa pi udo kalikame dubere mere.

2 Jokorinti 10:1

Ango kikoma Paulo, angangao wu kede mwolo kede bero ka Kirisito, ango ngat kame jo waco be amwol kame atie karacel kede wu, do ager kede wu kame atie tenge.

2 Jotesalonika 2:2

kur imiunu tam wu totolun arabo igeunu bedo kede lworo pi kop kame jo waco. Gin cengemogo kiwaco be kiwinyo kop nono kibut Tipo Kacil, kibut ngatamoro, arabo be kisome ki baluwa moro kame kotero be wan en kowandiko, kame waco be Ceng me dwogo ka Rwot otieko tuno.

Tito 3:2

Likame kipoore yamo kop arac i kom ngatamoro, likame kipoore lok, do kipoore bedo jo kame mwol kede kame nyuto wor but jo dedede.

Iburanian 10:25

di likame owekunu ariamakin karacel, bala kame jo mogo onao timo. Do poore idiunu cuny ngat acelacel, twatwal mere pi kite kame nan inenunu kede Ceng nono tie do noko.

Iburanian 10:37

Pien iwandik kacil waco be, “Odong kare acecek di ngat koyaro bino ko bino bino; en likame ebino gal.

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

Gianyuta 22:20

Ngat kame omio ijura me gi nogi waco be, “Ateteni ango atie bino awakawaka.” Amen. Bia, Rwot Yesu!

Gianyuta 22:7

“Neningo, ango atie bino awakawaka! Etie kede winyo ngat kame lubo imurai kame tie i itabu noni.”