Jopilipi 4:3 - Baibuli I Leb Kumam 2013

³ Doko akwao ida ngatic ngawota me ateni, kony mon nogi, pien gin kicane karacel keda i tic me ejiri, karacel kede Kelementi kede jotic jowota apat dedede, gin jo kame nying gi tie i itabu me kuo.

Jopilipi 4:3 Iomraidhean Croise

Sabuli 69:28

Kwany nying gi tenge ki itabu me jo akuo; kur imi rwak nying gi i kom nying jo kopoore.

Yai 32:32

Nataman ango akwai pi sasiro dub gin, do ka likame in iyaro sasiro gin, ango akwai iwei nyinga tenge ki itabu kame in iwandiko iye nying jo nin.”

Isaya 4:3

Jo dedede kame bino dong Yerusalem, gin jo kame Rubanga oyero pi dong kuo, kobino lwongo gi be jo kacil.

Esekeri 13:9

Ango abino mino alola but wun inabino kame neno gianyuta me angalo di itimunu imurai me angalo. Wun likame ibinunu bedo i kansulo ka jo na, doko likame kobino wandiko nyingu i kom jo me Isirael, arabo wun dok i lobo me Isirael. Di do wun ikounu bino ngeno be ango en Rwot Rubanga.

Danieri 12:1

Malaika koudo tie ngapo igoen aliamaliam nono oko waco be, “I kare nono Emikairi malaika adwong, en ngat kame daro jo ni, bino neeno. Di kare ko bino bedo tie me twon peko, kame epone mere lem pwodi likame otimere cako atekerin bedo tie. Ka kare nono otuno, jo me ateker ni kame kowandiko nying gi i itabu ka Rubanga kobino lako.

Luka 10:20

Do akadi kamano da, kur ilelunu pi man, be pien tipere areco owinyo wu, do lelunu pien kotieko wandiko nying wu i malo.”

Joroma 12:1

Pi mano, imiegu kede amiegu na, akwao wu pi cuny me kisa ka Rubanga be, miunu komu bala giayala kame kuo, gikacil kame yomo cuny Rubanga. Manoni en woro Rubanga i ateni.

Joroma 16:12

Motanu jogo kame timo tic ka Rwot, Teropaina kede Teroposa. Motanu ngawota me amaro Peresi, kame obedo timo tic atek i Rwot.

Joroma 16:9

Motanu Urbano da, ngatic wad wa i Kirisito, kede ngawota kame amaro Sitaku.

Jopilipi 1:12

Imiegu kede amiegu na, ango amito ingeunu be, gikame otimere na ateteni okonyo pi sarakino ejiri.

Jopilipi 1:16

Jo kame tatamo kop i kome kede cuny aber timo pi amara di kingeo be ango koketa kan pien ajurao ejiri;

Jopilipi 1:27

Kenekene miunu ekite me kuo wu bed bala kame ejiri ka Kirisito mito, tetekeny akadi ka ango abino pi neno wu arabo li, abino winyo kop i komu be icungunu di itekunu kede cuny acel, kede tam acel, di itienu cane karacel pi yei kame ejiri okelo,

Jopilipi 1:5

pi epone kame inywakunu keda timo tic me ejiri, cako i ceng me agege tuno nan.

Jopilipi 1:7

Etie gi opoore pi ango paro piru iepone noni, pien wun itienu i cunya, bala kame wun dedede inywakunu karacel keda kisa kame komia di nan ango atie mabus, kede i kare me jurao kede mino ejiri cungo di etek.

Jopilipi 4:2

Ango akwao Eudia kede Sunutuke pi bedo kede tam acel i Rwot.

Jokolosai 1:7

Itiekunu ngeno kop noni kibut Epapura, ngat kame obedo ngatic wad wa kame omaro. En etie ngatic agenere ka Kirisito. En etie pi konyo wa.

Gianyuta 13:8

Jo dedede kame bedo i wi lobo bino wore, gin en jo dedede kame cako di likame pwodi kocweo piny, likame kowandiko nying gi i itabu me kuo me Katin Romo kame oudo koneko.

Gianyuta 17:8

Le kame oudo ineno nono oudo kuo, do nataman likame ekuo, do eyapuno wok ki bur kame tut wiriwir pi ot di oko dudubo en. Jo kame bedo i wi lobo, jo kalikame kowandiko nying gi i itabu me kuo cako di pwodi likame kocweo piny bino bedo kede ur ka kineno le nono, pien bin oudo ekuo, do nataman likame ekuo, doko ebino bino.

Gianyuta 20:12

Di ako neno jo oto, me ruom amalo kede me ruom apiny, di kitie cungo i nyim kom me ajakanut nono. Oko yabo itabun, doko di oko yabo itabu moro ace, kame obedo itabu me kuo. Di oko ngolo ne jo oto kop di lubere kede gikame oudo kitimo, kame oudo kowandiko i itabun nogo.

Gianyuta 20:15

Ngatamoro kalikame bin koudo be kowandiko nyinge i itabu me kuo, oudo kouce i nam me mac.

Gianyuta 21:27

Do likame tie gi kalikame cil kame bino donyo iye, akadi ngatamoro kame timo tim me emuna arabo kame yamo kop me abe, do kenekene jo kame kowandiko nying gi i itabu me kuo, itabu me Katin Romo, en kame bino donyo iye.

Gianyuta 3:5

Ngat kame lo, kobino ngapo ne igoen atar kamanono da, doko ango likame abino weno nyinge tenge kiye itabu me kuo. Ango abino tuco nyinge i nyim Papa na kede i nyim imalaikan mege, be en mera.