Jopilipi 3:1 - Baibuli I Leb Kumam 2013

¹ Kop me ajikini mere, imiegu kede amiegu na, lelunu i Rwot. Likame ango abino ool kede nyogao wandiko ne wu gikame oudo atieko wandiko, pien kibutu etie gikame bino konyo wu.

Jopilipi 3:1 Iomraidhean Croise

1 Iyutun 15:28

Aso, jo Isirael dedede oko tero Sanduku me Isikan ka Rwot Yerusalem di kilelemo kede kilel, di kikuto esos me tung leini, agwarai, kede kigoo suanin abatal, kede adungun kede arigirigin kede dwan amalo.

1 Iyutun 16:10

Lelunu pi nyinge kacil; jo kame mo Rwot poore kileli.

1 Iyutun 29:22

Cenge nono gin kiko cam kede amata i nyim Rwot kede ilel adwong. Gin kiko keto Sulumani wot ka Daudi tien me are pi bedo abaka. Gin kiwire bala ngapug gi i nying Rwot di kiko wiro Sadoki bala ngasaseredoti.

Nekemia 8:10

Nekemia oko waco negi be, “Dokunu i miere wu ikounu tedo ebaga kede cam abeco kede bwini amit, di ikounu poko mogo da imiunu jo kame li kede gimoro, pien ceng katin obedo ceng kacil i nyim Rwot. Doko da kur ibedunu kede cwercuny pien yomcuny kame Rwot mio wu bino mino wu teko.”

Yobu 22:26

in ibino bedo kede yomcuny i kom Rubanga Won Twer, doko lewic likame bino maki i nyime.

Sabuli 149:2

Mito jo me Isirael bed kede yomcuny i kom Ngacwec gi; mito jo me Sion leli pi Abaka gi.

Sabuli 32:11

Okwe wun jo kopoore, bedunu kede yomcuny doko lelunu pi gikame Rwot otimo, doko lelemunu pi yomcuny, wun jo kame cunyu opoore.

Sabuli 33:1

Lelunu i Rwot, wun jo kopoore. Jo kame timo gikame Rubanga mito poore pake.

Sabuli 37:4

Bed kede yomcuny i Rwot, di en eko bino mini gikame cunyi mito.

Sabuli 42:4

Ango ayutuno gigi kede cwercuny: epone kame oudo aoto kede ekodet me jo, di atelo gi sirito donyo i ot ka Rubanga, di olelemo kede kilel kede di owero were me pwoc, pi kwero ebaga.

Sabuli 5:11

Do mi jo kame ringini gwok buti kilel, wek kiwer wer me ilel nakanaka. Gwok jo kame mari tetekeny kibed kede ilel piri.

Sabuli 97:1

Rwot en abaka; mito jo me wi lobo leli; mito jo kame bedo i dog name da bed kede yomcuny!

Isaya 41:16

In ibino pieto gi bala alos di yamo ko tero gi tenge, yamo atek bino sasaro gi. Di do in iko bino kilel pi ango Rwot ni; ibino paka, ango Ngat Kacil me Isirael.

Isaya 61:10

Ango abino ilel pi gikame Rwot otieko timo. Cunya bino bedo yom i kom Rubanga na; piento en etieko ngapo na alako bala egoe, etieko ngapo na tim kopoore bala ekanso, bala kame eteran ngapo kede ocoro aber pi tubuso kome, kede bala kame ateran tubuso kede kome kede mwolere.

Isaya 65:14

Jotic na bino wer pi yomcuny, do wun ibinunu boroboro koko kede aramacuny atek.

Yoweri 2:23

“Okwe wun jo me Sion, bedunu kede yomcuny, di ikounu ilel pi gikame Rwot otieko timo ne wu. En etieko mino wu kot me iporo ocwei ne wu kiber, en etieko mino kot ocwei ne wu di tot, kot me iporo kede me oro ocwei ne wu bala lem sek.

Sepania 3:14

Werunu di igounu mujira pi kilel, Okwe wun jo Isirael! Lelunu kede cuny wu lung, Okwe wun jo me Yerusalem!

Sepania 3:17

Rwot Rubanga wu tie kede wu; ibinunu bwono jokwor wu pi teko mere. Cunye bino bedo yom kede wu, en ebino mino wu kuo anyen pi amara mere; ebino wer di elelo piru

Sakaria 10:7

Di jo me Isirael ko bino doko bala jo yi, di cuny gi ko bedo yom bala kimato bwini. Idwe gi bino neno manoni di cuny gi ko kilel, cuny gi bino bedo yom pi gikame ango Rwot atimo.

Matayo 5:12

Lelunu di ikounu bedo kede yomcuny, pien giamia wu me pwoc tie dwong i malo. Epone nono da en kame bin jo otidilo kede inabin kame ogeo bino ne wu.

Luka 1:47

kuo na lelo pi Rubanga Ngalak na,

Joroma 5:11

Likame mano kenekene, do wan olelo da i Rubanga pi Rwot wa Yesu Kirisito, ngat kame odwoko wa i nywak kede Rubanga.

2 Jokorinti 13:11

Di do ajiko, imiegu kede amiegu na, asounu do; iikunu ekite wu, lubunu gikame akwao wu pi timo, winyerenu, bedunu kede mulem, di Rubanga me amara kede me mulem ko bino bedo kede wu.

Joepeso 6:10

Me ajikini, bedunu di itekunu i Rwot, doko di itienu i teko me twer mere.

Iswilia 12:18

Poore icamunu magonogi i nyim Rwot Rubanga wu i kabedo kame en eyero me wore, wun karacel kede idwe awobe wu kede idwe anyira wu, ipasoi kede apasoi wu, kede Jolebi kame bedo i bomban wu, di itienu kede kilel i nyim Rwot Rubanga wu pi gi dedede kame itimunu.

Iswilia 16:11

Bedunu kede kilel i nyim Rwot Rubanga wu, wun karacel kede idwe wu, ipasoi kede apasoi wu, Jolebi kame bedo i bomban wu, jokumbor, idwe kic kede apuserun kame bedo kede wu. Timunu manoni i kabedo kame Rwot Rubanga bino yero me wore.

Jopilipi 3:3

Pien wan en kame oudunu kepere me ateni, wan jo kame oworo Rubanga i Tipo mere, jo kame bedo kede deyo i Kirisito Yesu di likame kiketo gen gi atek i gi me kom.

Jopilipi 4:4

Lelunu i Rwot i kare lung. Amedo doko waco be lelunu.

Jopilipi 4:8

Me ajikini mere, imiegu kede amiegu na, ketunu tam wu i gi dedede me ateni kame poore awora, i gi dedede kame opoore, i gi dedede kacil, i gi dedede kame jo maro, i gi dedede kame pirgi tek, i gi dedede kame ber adikinicel kede i gi dedede kame poore apaka.

1 Jotesalonika 4:1

Me ajikini mere, imiegu kede amiegu na, wan okwao wu, doko obako dog wa butu i Rwot Yesu be, bala kame isiaonu kede kibut wan epone kame ipoorenu bedo kede di iyomunu cuny Rubanga, bala kame nan itienu timo, meedenu ameda timo kamanono.

1 Jotesalonika 5:16

Lelunu nakanaka.

Yakobo 1:2

Imiegu kede amiegu na, ka ibeunu i atama moroni, terenu bala gi me kilel,

1 Petero 3:8

Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

2 Petero 3:1

Jo na kame amaro, man nan do en baluwa me are kame atie wandiko butu. I baluwan nogi dedede, ango abedo tamakino supo cunyu di apoo wi wu be,

1 Samuel 2:1

Aana oko lego be, “Cunya yom twatwal i kom Rwot; Rubanga omia teko. Ango anyero jokwor na, pien ango alelo pi kite kame ilaka kede.