Jopilipi 2:3 - Baibuli I Leb Kumam 2013

³ Kur itimunu gimoro kede ewaka arabo kede cuny me woro, do bedunu kede cuny me mwolo, di ikounu tero bala jo apat beco kato wun.

Jopilipi 2:3 Iomraidhean Croise

Agole 13:10

Dano atingere di likame ewinyo kop kelo atwomutwomun, do dano kame gamo tam kame komie bedo kede rieko.

Luka 18:14

“Awaco ne wu be, icuo noni ooto ture di kotere be epoore i nyim Rubanga do weko Ngaparisayo nono; pien ngat kame tingere kene kobino dwoke piny, do ngat kame mwolere kobino tinge malo.”

Joroma 12:10

Marerenu kenu kenu, ikounu woro jo icegun kalamo.

Joroma 13:13

Obedunu kede tim kame kelo wor bala otienu i dier iceng, likame bedo kede yomcuny arac kede amera, likame timo caro arabo mit me lewic, likame lok arabo timo nyeko.

Joroma 2:8

Do jo kame paro pirgi kenekene, di kidagi lubo gi me ateni, do di kilubo ekite areco, kibino udo lilo kede gero ka Rubanga.

1 Jokorinti 15:9

Pien kikom joor, ango en kalikame pira tek, oudo likame poore lwonga be ngaor, pien ango bin atidilo ekodet me jo koyei Rubanga.

1 Jokorinti 3:3

pien wun pwodi itienu iekite me kom. Pien ka nyeko kede lok tie i diere wu, mam udo pwodi itienu bedo iekite me kom, di tim wu cal bala me dano adana?

2 Jokorinti 12:20

Pien ango atie kede lworo be cengemogo aromo bino di ako udo itienu iekite kalikame ango amito, kede da be cengemogo wuda iromunu udo di ango atie iekite kalikame wuda imitunu. Ango atie kede lworo be cengemogo itienu kede lok, nyeko, gero, woro, dubo nying jo, akwot, ewaka, kede anyonyobun.

Jogalatia 5:15

Do ka isurerenu di iwanerenu bala leini ager, gwokerenu me wek kur itiekerenu.

Jogalatia 5:26

Owekunu deng, mono kolo, kede bedo kede nyeko wan kenwa kenwa.

Joepeso 4:2

Mwolerenu di ikounu bedo jo kame dire, kede jo kame kanyakino kop me jo icegun kede amara,

Joepeso 5:21

Pi kite kame iworunu kede Kirisito, bedunu jo kame mwolere i loc wu kenu kenu.

Jopilipi 2:14

Timunu gi dedede abongo ingungur arabo piem,

Jokolosai 3:12

Aso, bala kame wun jo kame Rubanga oyero, jokacil kame en emaro, bedunu kede cuny me isasir, mwolo, mwolere, bedo mot, kede dire.

Jokolosai 3:8

Do nan ketunu gigi dedede tenge: gero, lilo, cuny me nyeko, dubo nying jo kede kope areco kame wok ki dogu.

1 Temeseo 6:4

udo epong kede ewaka doko likame engeo gimoro. En udo etie kede cuny arac me piem kede me lok i kom kope kenekene. Manoni kelo nyeko, apokapoka, dubo nying jo, potocuny,

1 Petero 3:8

Me ajikini mere, wun dedede bedunu kede cuny acel, kede da cuny me isasir but jo kame tie i peko. Marerenu bala imiegu kede amiegu i Kirisito, di itienu kede cuny me kisa kede tam me mwolo.

1 Petero 5:5

Kamanono da, wun jo atino, iwinyunu joadongo. Wun dedede bedunu jo kame mwolere, ngat acelacel but ngawote, pien kowandiko be, “Rubanga dagi jo kame wakere, do emio jo kame mwolere winyo.”