Jolebi 9:4 - Baibuli I Leb Kumam 2013

⁴ Kikwany da twon kede emerekek pi bedo giayala me nywak. Gin kipoore yalo gi karacel kede giayala me alos kame konyongo kede mo, pien Rwot bino neeno but gi i ceng me tin.”

Jolebi 9:4 Iomraidhean Croise

Yai 16:10

Kakame Aaron ocoko kede jo dedede me Isirael di etie yamo kede gi, gin kiko neno bad me wi tim di kiko neno rieny me deyo ka Rwot di tie i edou.

Yai 19:11

di kiko atemunokin pi gikame bino timere i ceng me adek. Pien i ceng nono ango abino bino piny i wi moru me Sinai di jo dedede tie neno.

Yai 24:16

Rieny me tie ka Rwot oko bino i wi Moru me Sinai, di edou oko umo wi moru pi ceng kanyape. I ceng me kanyaare mere Rwot oko lwongo Musa ki edou.

Yai 29:43

Ango abino riamo kede jo me Isirael kanono, di deyo na ko bino lonyo kanono doko kabedo kacil.

Esekeri 43:2

Ki kanono ako neno rieny me deyo ka Rwot di tie bino ki bad tetu kide. Mor mere oudo winyere bala mor me twon pii, di wi lobo lung oko rieny kede deyo mere.

Esekeri 43:27

Kame ceng nogo okato, josaseredoti bino do donyo yalo i wi alutari nono giayala kame jo kwanyo me kwanyo dub kede me nywak. Di do cunya ko bino bedo yom i kom wun dedede.”

Jolebi 2:1

Ka ngatamoro mito yalo Rwot kede alos, miero kong eriege eko doko alos kame konungo. Di do en eko onyo iye mo me olibeti, di eko keto iye odok angwe kur,

Jolebi 3:1

Ka dano tie mino giayala me nywak, miero ebed diang kame li kede peko moro i kome.

Jolebi 9:23

Musa kede Aaron oko donyo i Eema me ariamakin kede Rwot di kiko wok, di kiko mino jo winyo, di do rieny me deyo ka Rwot oko neeno ne jo dedede.

Jolebi 9:3

Di iko waco ne jo me Isirael pi kwanyo ekoroi pi bedo giayala me kwanyo dub, kede roya me mwaka acel kede atin romo me mwaka acel kame li kede peko moro i kom gi pi bedo giayala awanga.

Jolebi 9:5

Gin kiko tero gi dedede kame Musa ociko negi i nyim Eema me ariamakin kede Rwot, di jo dedede oko cokere i nyim Rwot pi wore.

Jolebi 9:6

Musa oko waco be, “Manoni en gikame Rwot ociko be itimunu, tetekeny rieny me deyo ka Rwot ko bino nyutere ne wu.”

Wel 14:10

Jo oudo tie do mito didipo Musa kede Aaron kede kide paka neko gi, do deyo ka Rwot oko neeno ne jo dedede me Isirael i Eema ka Rwot.

Wel 16:19

Kora oko coko jo dedede kiko donyo cungo ngino Musa kede Aaron i dog ekeko me Eema ka Rwot. Deyo ka Rwot oko nyutere ne jo lung koudo ocokere kunono.