Jolebi 8:13 - Baibuli I Leb Kumam 2013

¹³ Alubo mere, Musa oko mino awobe ka Aaron ooto anyim di eko ngapo negi isatin kede ausin abatal i pier gi, kede igoen kame kododolo i wic, bala kame oudo Rwot ociko ne.

Jolebi 8:13 Iomraidhean Croise

Sabuli 132:9

Miero josaseredoti nin ngap poore bala egoe, kede jo kame wori ko ilelem pi yomcuny.

Yai 40:13

di iko ngapo ne Aaron igoen me ngasaseredoti, iko bino wire di iko kwere, tetekeny ekaruno timo nango tic bala ngasaseredoti.

Yai 40:16

Musa oko timo gi dedede bala kame oudo Rwot ociko ne.

Isaya 61:10

Ango abino ilel pi gikame Rwot otieko timo. Cunya bino bedo yom i kom Rubanga na; piento en etieko ngapo na alako bala egoe, etieko ngapo na tim kopoore bala ekanso, bala kame eteran ngapo kede ocoro aber pi tubuso kome, kede bala kame ateran tubuso kede kome kede mwolere.

Isaya 61:6

Do wun kobino lwongo wu be josaseredoti ka Rwot, jotic ka Rubanga wa. Wun ibinunu camo abar me atekerin, di ikounu bedo i mulem pi abar gin.

Esekeri 42:14

Kame josaseredoti oudo tie i tempulo di do kiko mito ot i diakal aoko, gin kipoore weko i agolai nogi igoen kacil kame gin oudo kingapo i esawa me tic ne Rwot. Gin kipoore loko igoen apat di pwodi likame kioto kakame jo ocokere iye.”

Jolebi 10:5

Gin kiko ot, di kiko diedielo gi kede isatin kame oudo kingapo kitero gi tenge me kimere, bala kame oudo Musa owaco negi.

1 Petero 2:5

Doko bala kide kakuo, wek kogeru kede ot me Tipo ka Rubanga, pi bedo josaseredoti kacil, pi mino giayala i twer me Tipo, giayala kame Rubanga yei gamo pi Yesu Kirisito.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.

Gianyuta 1:6

di eko loko wa odoko jo me ajakanut, josaseredoti pi tic ne Rubanga mere doko Papa mere. Deyo kede loc bed bute ikar kede ikar! Amen.

Gianyuta 5:10

In imio gi kidoko jo me ajakanut, josaseredoti pi tic ne Rubanga wa, doko gin kibino pugo lobo.”