Aaron kede ikwae mege oudo tic gi en mino giayala me odok angwe kur kede giayala kame kowango i wi alutari. Gin oudo kitimo tice dedede me Kabedo Kacil Kalamo, kede tic amako giayala me kwanyo dub me jo me Isirael. Gin oudo kitimo manoni di lubere kede cik kame Musa ngatic ka Rubanga omio gi.
Rwot oko waco ne Musa be, “Lwong omini Aaron buti, en karacel kede awobe mege, Nadab, Abiku, Eleasar kede Itamar. Pok gi kikom jo me Isirael, tetekeny gin kitim na tic bala josaseredoti.
In ibino ngapo ne omini Aaron igoen nogi, en kede awobe mege, di iko wiro gi, iko kwero gi, di iko poko gi pi timo tic na, tetekeny kitim na tic bala josaseredoti.
“Man en gikame in ipoore timo ne Aaron kede awobe mege, tetekeny gin kitim na tic bala josaseredoti. Ibino kwanyo etobait me twon kede imerekekin are, kalikame tie kede peko moro i kom gi.
iko tweno da ausin i pier gi kede iko tweno igoen i wi gi. Manono en epone kame in ibino kwero kede Aaron kede awobe mege di gin kede ikwae gi kiko bino timo na tic nakanaka bala josaseredoti.
Aso, iepone noni gin bin kiko tieko timo tic me taberenakol, Eema me ariamakin kede Rwot. Jo me Isirael oudo oko timo gi dedede bala kame oudo Rwot ociko ne Musa.
“Teri Aaron kede awobe mege i ekeko me Eema me ariamakin keda. Ter gi kede igoen me josaseredoti, mo me wir, twon kame poore bedo giayala me kwanyo dub, romini are acuo, kede ebukit kopong me mugati kame kotimo abongo arup.
