Jolebi 7:9 - Baibuli I Leb Kumam 2013

⁹ Giayala me alos kame konyongo di oko tolo i keno oko doko mugati, arabo kame kotedo kede sepula amoto itatany, poore dong ne ngasaseredoti kotimo yalo nono but Rwot kawang wone.

Jolebi 7:9 Iomraidhean Croise

2 Abakai 12:17

I kare nono Abaka Kasael me Siria oko suro bomba me Gat di eko mane, di do eko lokere ot pi ot suro Yerusalem.

Esekeri 44:29

Gin kibino camo giamia me alos, giayala me kwanyo dub, kede giayala me timo cul; doko da gin kibino tero gi dedede kame kopoko tenge pirango i Isirael.

Jolebi 2:10

Dul kodong me giayala bino bedo me ka Aaron kede awobe mege, gin josaseredoti; manono obedo dul kacil twatwal pien kokwanye ki kom giayala awanga but Rwot.

Jolebi 5:13

Iepone noni, ngasaseredoti bino mino giayala me kwanyo dub kame dano nono otimo, di Rubanga ko sasiro en. Bala kame kotimo kede i giayala me alos, alos ace kodong bedo me ka ngasaseredoti.

Jolebi 7:10

Do giayala me alos ace kalikame kotedo, bed bala konyonge kede mo amoto li, josaseredoti dedede awobe ka Aaron bino popoko en di rorom.

Jolebi 7:8

Doko da lau me le kame koyalo bala giayala awanga dong ne ngasaseredoti.

Wel 18:9

Kikom jamini kalikame kowango, kacil kalamo, magi bino bedo megu: giayala me alos, giayala me kwanyo dub, kede giayala me timo cul. Gi dedede kame kokelo buta bala giayala kacil obedo meri kede awobe ni.

1 Jokorinti 9:13

Mam wun ingeunu be jo kame komio timo tic me tempulo udo cam gi ki tempulo, kede jo kame tio i alutari udo iner gi me gikame koyalo?

1 Jokorinti 9:7

Ngai kame timo tic me sirikale di eculere kene? Ngai kame puro olok di likame eko camo anyakini mere? Arabo ngai kame kwao dok di likame emato cak gi?

Jogalatia 6:6

Jo kame kotie pwonyo kop ka Rubanga poore nywako kede ngapwony gikame beco dedede.