Jolebi 6:27 - Baibuli I Leb Kumam 2013

²⁷ Ngatamoro arabo gimoro kame bino mulo giayala me cam nono kame komio but Rwot bino udo peko, piento en ecil; doko da ka remo mere okire i kom egoe amoto i kom gimoro, kopoore ot lwoke i kabedo kacil.

Jolebi 6:27 Iomraidhean Croise

Yai 29:37

Ibino timo tic me kwanyo dub kame tie i alutari pi ceng kanyaare, di iko lonye, di alutari ko bedo gikacil adikinicel; gimoroni kenekene kame bino mulo alutari nono bino udo peko pi twer kame etie kede.

2 Jokorinti 7:11

Nenunu ber gikame Rubanga oko timo kede wangcuny wu: epone kame mit me cunyu tie kede, epone kame imitunu nyuto kede be iliunu kede raco moro, epone me gero wu, lworo wu, epone kame iparunu kede pira, kede epone kame imiunu kede alola pi tim arac! Wun itiekunu nyuto be wun iliunu kede raco moro i kop nono dedede.

2 Jokorinti 7:1

Wun jo na kame amaro, bala kame otienu kede cikere nogi, wek olonyerenu ki gi dedede kame munao kom wa kede cuny wa, di okounu bedo jo kame lworo Rubanga, tetekeny odokunu jokacil atwal.

Matayo 9:21

pien oudo ewaco kene be, “Do kom koto amulo egoe mere kenekene, koto acango.”

Agai 2:12

Ka ngatamoro oko kwanyo angol me ringo kame koyalo but Rwot di en eko bone i lak ekanso mere, ka en eko mino ekanso mere omulo mugati, cam kame kotedo, bwini, mo me olibeti, arabo giacama moroni kenekene, benyo, gi nono da bino doko gikacil?” Josaseredoti oko gamo be, “Li.”

Jolebi 11:32

Kame kito di kom gi oko poto i gimoro, gi nono doko gi kopwokere. Magonogi ribo jamini kame kopao ki kom yat, igoen, launi, ipukoi, arabo gimoro dedede kame kotio kede iepone moroni; kopoore rwako gi nono i yi pii, do di eko dong di pwodi epwokere tuno piny yuto.

Jolebi 6:18

I kare dedede me anyim cuo kobedo ikwae ka Aaron bino camo cam noni, bala iner gi me kare dedede me giayala me cam awanga but Rwot. Ngatamoro kame bino mulo giayala me cam awanga nono bino udo peko, piento en ecil.

Yai 30:29

In ibino kwero gi buta iepone noni, tetekeny gin kibed gikacil adikinicel; gimoroni dedede kame mulo gi bino udo peko pi twer kame kitie kede.

Matayo 14:36

Di gin kiko donyo bako dog gi ne Yesu be eyei ne jotuwo mulo lak egoe mere. Jo dedede kame oko mulo egoe mere oko cango.

Jolebi 7:19

Ringo koriamo kede kom gimoro me kwer likame kopoore camo, do miero wange. Jo kame li kede pwokere kede gi me kwer twero camo ringo apat mere.

Esekeri 44:19

Kame gin kitie ot i diakal aoko but jo, gin kibino gonyo igoen kame oudo kitie tic kede i yi tempulo di kiko weko gi i agolai kacil. Di do gin kiko ngapo igoen apat, tetekeny kur ngatamoro mak egoe kacil di eko udo peko.