Jolebi 6:2 - Baibuli I Leb Kumam 2013

² Dano poore mino giayala ka etimo dub but Rwot i yore me dagi dwoko ne dano ngawote alibon kame komie, arabo gikame osingao ne, arabo ka ekwalo gimoro kibute amoto ka esere,

Jolebi 6:2 Iomraidhean Croise

Ageini 26:7

Kakame cuo me kuno openye kede kop i kom dako mere, en eko waco negi be, “En ebedo amina.” En oudo etie kede lworo pi waco be Rebeka obedo dako mere, pien oudo eparo be cuo me kuno bino neke di kiko tero dako mere, pien Rebeka oudo cil twatwal.

Sabuli 51:4

Ango atieko dubo buti, butin kenekene, doko ako timo gikame rac i wangi. Man omio ka iwaco na raco udo kop nin tie kakare, doko da ili kede raco moro ka ingolo kop oloa.

Agole 24:28

Kur imi ijura i kom ngatamoro abongo tien kop, doko dogi kur wac kop moro me angalo.

Isaya 21:2

Aneno gianyuta moro aneno rac twatwal, en gianyuta me duporo kede muducaro. Elam, yai iko ot suro! Mede, lukaro bomban me jo Babilon! Rubanga tie jiko cur kame Babilon obedo kelo.

Isaya 24:16

Wan obino winyo were me pak, me mino Ngat Kopoore dwongo di wok ki ajikini me wi lobo. Do ango atie i can! Atieko ol. Jo tie timo tice kalikame nyuto genere, tice nogo tie meede ameda.

Isaya 33:1

Itie i can in ngamuducaro, in ngat kalikame ngatamoro omuducaro in; in ngadupuro jo, do di in likame ngatamoro odupuro in! Kame in do ijiko muducaro, kobino muducaro ida; kede kame in do itieko dupuro jo, ida kobino dupuro in.

Yeremia 9:5

Gin dedede tic gi ngalo jowot gi, doko likame tie dano ayamo kop me ateni. Gin kitieko pwonyo leb gi yamo kope me abe, doko likame kitwero weko dub.

Esekeri 40:46

kede agola kame nyime oudo neno bad tetu malo oudo obedo me ka josaseredoti kame oudo tio i alutari. Josaseredoti nogo dedede oudo obedo ikwae ka Sadoki, pien gin kenekene kikom ikwae ka Lebi en kame koyei negi noko Rwot pi timo ne tic.

Jolebi 1:3

Ka dano tie mino giayala awanga me diang, miero ebed twon kame li kede peko moro i kome. Poore en etere i ekeko me Eema me ariamakin kede Rwot, tetekeny Rwot gam giayala nono kawang dano nono.

Jolebi 19:11

“Kur ikwalunu gimoro; kur iserunu jo; doko kur ingalerenu kenu kenu.

Jolebi 5:15

Ka ngatamoro odubo, i yore me dagi culo but Rwot gikame poore mine, do di likame etimo akaa, dano nono poore tero ne Rwot bala cul, emerekek amoto ekoroi kame li kede peko moro i kome. Rom mere kobino poro kede wel kame kotieko moko. Manoni obedo giayala me timo cul.

Jolebi 5:19

Manoni obedo giayala me timo cul pi dub kame en etimo but Rwot.

Jolebi 6:1

Rwot oko yamo kede Musa di eketo iswilia gi:

Amosi 8:5

Wun iwacunu kenu kenu be, “Awene kame ceng kacil me Ebaga me Por Duwe bino jik kede, tetekeny wan ocak cato engano wa? Awene kame piny bino yuto kede i ceng Sabato, tetekeny wan ocak bobo cat? Di do wan oko bino sero jo; obino tic kede gipim me aram kede misani kame kolalago pi kwalo jo kame wilo jame kibut wa.

Abakuk 1:13

In ibedo ngat kacil, pi manono likame iromo kanyakino neno gikarac, doko in likame iromo neno anena tim arac. Pinyo kara komio in itie ling alinga di jo areco tie muducaro jo kopoore kato gin?

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Tice 5:4

Di oudo pwodi likame icate, mam oudo en meri? Doko akadi di oudo itieko cate da, sente mere mam oudo tie i akarunikin ni? Kara nyo do ber komio cunyi oyei timo gikame cal kamano? Aso neni, in likame ingalo dano do ingalo Rubanga.”

Joepeso 4:25

Pi mano, miero ikwanyunu angalo tenge, di wan dedede okounu donyo yamo kop me ateni kede jokio wa, pien wan dedede obedunu adulion me kom acel.

Jokolosai 3:9

Kur ingalerenu kenu kenu, pien wun itiekunu gonyo kuo kacon kede tice mege,

Gianyuta 22:15

Ooko me bomba tie iye jo kame cal bala igwogin kede jojwogi, jocaro, jonek kede jo kame woro cal jwogi, kede jo dedede kame maro kede kame timo tim me angalo.