Jolebi 6:12 - Baibuli I Leb Kumam 2013

¹² Mac me alutari poore dong di liel nakanaka. Odiko acelacel ngasaseredoti medo isikin i mac nono, di eko napo kiber i wi mac nono giayala kame kotie wango, di eko wango kakamio me giayala me nywak.

Jolebi 6:12 Iomraidhean Croise

Nekemia 13:31

Ango ako iiko da kite kame kokelo kede yen me wango giayala i kare kopoore, kede kite kame jo kelo kede anyakini kame geo cek. Okwe Rubanga na, yutuno ango pi gikabeco kame ango atimo nogi.

Esekeri 40:46

kede agola kame nyime oudo neno bad tetu malo oudo obedo me ka josaseredoti kame oudo tio i alutari. Josaseredoti nogo dedede oudo obedo ikwae ka Sadoki, pien gin kenekene kikom ikwae ka Lebi en kame koyei negi noko Rwot pi timo ne tic.

Jolebi 6:11

Di do en eko loko igoen ace di eko tero buru nono kakalikame opwokere tenge me kimere.

Jolebi 6:13

Kopoore mino mac bed liel nakanaka i alutari abongo to.

Jolebi 6:9

pi mino Aaron kede awobe mege iswilia amako giayala awanga kaman: Giayala awanga poore buto i wi alutari iwor kiakia, di mac tie liel abongo to.

Jolebi 9:24

Mac oko wok kibut Rwot di eko wango giayala awanga dedede karacel kede kakamio kame oudo tie i wi alutari. Kakame jo oneno kede manono, gin kiko icelakin di kiko riebere piny.

Iburanian 10:27

do gikame odong do en lworo me ngolo kop kede mac ager kame bino wango jo kame dagi Rubanga.